Jirimaya 12:17 - DAWAN BÎLA AISKA

¹⁷ Sakuna ani nisanka kabia bîli wali daukras kabia kaka, wakia wal daiki slingbamna. Yang, Dawan, kasak aisisna.”

Jirimaya 12:17 ပူးပေါင်းရင်းမြစ်များ

Aiseya 41:11

Baha nani sut misbara mai kaiki ba, witin nani ai swira daukan kabia, mâyara batakan kabia; man mampara banhwi ba witin nani diara apia baku kabia.

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Jirimaya 18:7

Minit kum ra yang diara sut luki kaikisna nisan kum ba, apia kaka king tasbaya kum ba wakia wal daikaia, dringbaia, sauhkaia.

Jirimaya 31:28

Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Daniel 11:4

Ban sakuna, ai king lâka ba bapbia, sakuna ai king lâka ba âpu daukan kabia, bara ai kingka lâka tar baiwi walhwal ra daukan kabia. Baha king lâka karnika ba ai kiamka nani ra laki yan kabia apia, bara ai king lâka ba kaina piua ra karna kan ba baku kabia apia, kan baiki sakan kabia ba mita, ban sin upla wala witin ai watlika ra king aimakan kabia ba tâka.

Miqueas 5:14

Aserá dusa sunukira tilamra brisma ba, daiki lulkamna, bara tawankam nani sin sauhkamna.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.