Jirimaya 12:13 - DAWAN BÎLA AISKA

¹³ Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Jirimaya 12:13 ပူးပေါင်းရင်းမြစ်များ

Lawana Nani 78:62

Ai uplika nani mapara ai kupia sauhkan, bara ai waihla nani sordka ra prubia wisi swin.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 4:26

Bara kli tawi kaikri bara giadin nani ba upla iwras tasbaya takan kan, tawan nani ba sut slingban kan. Dawan kupia baiwanka tara ba mita baku takan.

Jirimaya 9:5

Upla kumi bani ai walka lawaska kikisa, upla kumi sin ai walka ra sturi kasak ba aisaras. Kunin aisaia ba witin nani natka takan; saura dadaukra, sip natka wala ra tawras. Dawan kasak aisisa: “¡Taibi luan ba pura kli taibi luan, kunin aisin purak kli kunin aisin! Upliki nani ai kakaira takaia brin daukras sa.

Oseas 8:7

Witin nani pâsa baman mangkan bara pâsa saura karna krawi ba baman dâkbia; plawar mangkan ba dusa wina plawar sin sâkbia apia, ban kra witin nani baha sâkbia kaka sin, witin wal kakaira apia nani baha pibia.

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Kli Smalkanka 28:38

Saumuk nani ailal tasba ra mangkma, kuna wiria baman wahbi kama, kan tristrisia nani bui sut sauhki kabia bamna.