Jirimaya 11:16 - DAWAN BÎLA AISKA

¹⁶ Kaina piua ra yang Dawan mita, man ninam ba mâki katna, ‘oliv dusa wahia sisitni mâ ailal painkira’. Sakuna nanara alwani karna lulki ba tilara, wahiam nani bara tnamwa nani ba sut angkaia sna.

Jirimaya 11:16 ပူးပေါင်းရင်းမြစ်များ

Job 8:16

Upla saura nani ba lika, inma wahia nani sangni insla bilara pâwi ba baku sa, insla kutban aiska ra lalamisa.

Lawana Nani 52:8

Ban sakuna, yang na lika oliv wahia sangni ba baku, Gâd watla ra sna; ¡yang ban witin ai latwanka ra kasak luki tniwi kamni!

Lawana Nani 80:16

Sauhki tikisma kupiam baiwanka wal man baha ba klakisma bara angkisma sin;

Lawana Nani 80:17

sakuna hilp muns man baha uplika wahbi sakram ba urhwi takaia, baha sika man pali bui bapram ba,

Lawana Nani 83:2

Waihlam nani ra kaiks, baha nani misbara mai kaiki nani ra sin: Turban lâka buki mampara bûi ba.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Jirimaya 2:21

Wain kiwka kau pain ba baku naisla ra mai mangkri, wain kiwka saumuk kau pain saki ba baku. ¡Sakuna man tânkam ba saurkam pali takram bamna, mai kakaira apia lap mai tikri!

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Oseas 14:6

ai tnawa nani ba pranakira pâwbia oliv dusa tnawa takan ba baku kabia, taya kîa ba sin, Líbano yalamka dusa kîa baku kabia.

Matiu 3:10

Asa ba dus nani klaki batakaia pat ridi sa, bara ani dusa mâ pain sakras ba, klaki pauta ra lulkka ambia.

Jan 15:6

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

Kli Smalkanka 28:40

Tasbayam aiska ra oliv dusa nani bri kama, sakuna baha ni tamya kîa pain lika daukma apia, kan mâ nani ba kauhi kabia bamna.

Param Marikanka 11:4

Naha witniska wâl sika oliv dusa wâl ba, kiandil mina wâl ba sin, bara baha nani ba tasba Dawanka mawanra mangkan sa.