Jirimaya 11:13 - DAWAN BÎLA AISKA

¹³ Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 11:13 ပူးပေါင်းရင်းမြစ်များ

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

2 Kronikas 28:25

Aidul gâdka nani watla paskan Juda tawanka nani ra, bara sîka mâka nani angkaia dukiara gâd nani wala ra, baha wal kau Dawan ra kupia sauhki kan, ai almukka nani Gâdka ra.

Aiseya 2:8

¡Sakuna aidul nani sin banhwan sa! Upla ai mihta ni paskan gâdka nani ra mayunisa, ai mihta sirpika nani ni paskan ba.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 18:15

Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 19:4

Kan Israel luhpia nani ai lulki ai swin bara tasbaya na upla tringsar tasbaya daukan; nahara gâd wala nani ra diara kîa pain nani angki yabi kan, baha gâdka nani ba witin nani sin apia ai damika nani Juda kingka nani sin kakaira apia ba, upla pâtkas nani sin nâra iki tâlia laikan.

Jirimaya 19:5

Baha purkara Baal altarka nani sin paskan, baha purara ai luhpia nani ba angki yabaia, baha daukaia yang aisaras, adar sin yabras katna ba, yang lukanki ra sin baku daukaia tânka sin lukras katna ba.

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Jirimaya 3:24

Aidul mayunaia lâka swira pali ba mita yang nani ra ai munan yang nani kau tuktan katna bara almukki nani baha brin ba mita: sîpki nani, daiwri nani, luhpi waitna nani, luhpi mairin nani tikri.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 44:21

—¿Man nani lukisma Dawan baha kaikras, apia kaka âuya tiwan lukisma, man nani, bara damikam nani, king nani, wihta nani bara upla wala nani sin kîa pain nani angki gâd wala nani ra yabi kan ba, Juda tawanka nani yabalka ra Jerusalem yabalka nani ra sin?

Jirimaya 44:5

Sakuna man bîli walras, aisisna ba sin walras. Watawikam nani swiaia watlika ra kli gâd wala nani ra kîa pain nani angki yaram.

Jirimaya 48:35

Dawan ba kasak aisisa: “Moab uplika nani ba yang mita sauhkamna, idan nani ninara wih kiuhsi nani ra utla mâkisa, baha gâdka nani ra sakripais dauki kîa pain nani angki yabisa.”

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Isikiel 16:24

Yabal nani lamara utla nani mâkram bahara aidul nani ra pura sunaia bara ur takaia.

Oseas 10:1

Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Oseas 9:10

Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.