Jirimaya 11:12 - DAWAN BÎLA AISKA

¹² Baha taim Juda uplika nani Jerusalem nani sin witin nani kîa pain angki yabi ba gâdka nani ra hilp makabaia wabia, sakuna pât tara ba balbia bara baha gâdka nani sin witin nani ra sip swaki sâkbia apia.

Jirimaya 11:12 ပူးပေါင်းရင်းမြစ်များ

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:7

Witin nani ai pahpaya ra sunisa, witin nani twilki brih auya, bara ai watlika ra kahbi swisa bâra kabia dukiara. Baha ai watlika ra ba wina aiawras, witin ra winisa sakuna pana mapara aisaras, pât nani wina sin pri sakras.

Jirimaya 18:15

Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Kli Smalkanka 32:37

Bara witin ai uplika nani ra wibia: ‘¿Anira sa man nani gâdkam nani ba, baha nani ra kainam kahbaika wisi tniwi kapram ba,

Kli Smalkanka 32:38

baha nani sakripaiskam batanka pi kan ba bara wainka maikan di katma ba? ¡Witin nani bûi bal hilp mai munbia si! ¡Witin nani bal kainam kahbia si!

Wihta Nani 10:14

Man nani bui gâd bahki nani bâk saki briram gâdka nani ba ra was, witin nani ra hilp makas. Baha nani swaki mai sâkbia sari lâka ra dimram ba wina.”