Jirimaya 11:11 - DAWAN BÎLA AISKA

¹¹ Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 11:11 ပူးပေါင်းရင်းမြစ်များ

2 King Nani 22:16

yang Dawan sna ba, naku wisni: Yang mita naha pliska na sut sauhki tikaisna, naha tasbaika ra iwi uplika nani sut ra sin, wauhkataya ulbanka ra dîa maisa pakan ba kat, naha wauhkataya, Juda kingka aisan ba.

2 Kronikas 34:24

yang Dawan sna ba, naku wisni: Naha pliska ra uplika sut ba âpu daukamni, nahara iwi nani ba sut ai saurka daukan ba tâwan, naha wauhkataya ra ulban aisi kaikan ba Juda king mawanra.

Job 35:13

Gâd karnika sut bri ba, kunin lâka nani ra tawi walras sa.

Lawana Nani 18:41

Witin nani hilp makaban, sakuna upla kumi sin witin nani ra tâ baikras kan; Dawan ra winan, sakuna witin nani ra pana aisaras.

Lawana Nani 66:18

Yang lukanka saura briri kata kaka, Dawan ba ai walaia apia kan;

Sins Lâka 1:28

“Baha yua ra ai winma, sakuna pana mai aisaras kamna; ai pliki banhma, sakuna ai sakras kama.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 24:17

Tasba ra upla nani ba daiwan baku kabia, âikra nani ba mita nina bliki kabia, unta kum bilara kauhbia, apia kaka mina alkaika ra alkbia.

Jirimaya 11:14

Bahamna Jirimaya, man, naha uplika nani tâwan puram sunpara; witin nani hilpka ra makabi yang ra puram sunpara, kan witin nani pât tara ra dimbia bara hilp briaia yang ra ai pura sunbia sakuna walamna apia.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 14:2

“Juda sari bri inisa, tawanka tara nani sari ba mita, upla nani ba tasba kat prawisa. Jerusalem sin hilp brin dauki wini inisa.

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 19:3

Wis: ‘Juda kingka nani Jerusalem ra iwi uplika nani, Dawan karnika sut bri ba, Israel Gâdka, smalkanka na man nani wals: Pât tara kum naha tasbaya ra blikaisna, baha sturka walbia uplika nani sut ba sinska lap tiwbia.

Jirimaya 23:12

Baha mita ai yabalka nani ba tihmia tara lalawra man kabia: witin nani ba tukbi batakaia daukamna. Witin nani aikuki diara kulki kaikamna ba ra, witin nani purara sarka paskaia bri balamna. Yang, Dawan, kasak aisisna.

Jirimaya 25:35

Sepad nani ba sip plapbia apia, daknika tâ bri ba sip yukuwbia apia.

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Inanka Nani 2:22

Tnaya bani wina pât nani yaram balan, lilia daukaia kum ra auya kan baku; Dawan, man lawankam yua ra, upla kumi sin âpu kan baha wina swak takaia. Baha nani yang bui pakri bara sins lâka sin smalkri kata ba, sut waihla nani bui iki tikan sa.

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Isikiel 7:5

“Yang Dawan sna ba, naku wisni: Kaiks piua tnata ba pat aula.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Emus 5:19

Upla kum layan kaiki sîa plapi kan, bara wingku tara wal prak prawaia ba baku kabia; upla kum ai watla ra dimi, ai mihta ni utla tnaya ra prakan ba ra, baha wina piuta taki ai mihta kat samuya ba baku kabia.

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.