Jirimaya 10:13 - DAWAN BÎLA AISKA

¹³ Alwani bîla baikra ni lî auhaia binka ba kasbrika purara daukisa, tasba paskanka ba wina kasbrika nani ba sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 10:13 ပူးပေါင်းရင်းမြစ်များ

Blasi Sturka 2:5

tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia.

1 King Nani 18:41

Bara Ilayas bui Ahab ra win: —Mahka wih plun pis, diara sin dis, kan lî kum balaia binka takisa.

Job 38:22

¿Auhbaia pliska ba pat wih kaikatma ki, sno bara lî klaswan mâ nani auhbi swin ba,

Lawana Nani 104:13

Man sika il nani ra lî laikisma, wamtla laih purara ba wina; man lî karna yabram auhi ba wal, tasba na âuyapah yabisma.

Lawana Nani 135:17

kiama nani brisa, kuna sip walras; rayaka sin âpu.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Lawana Nani 18:13

Dawan Laih Purara iwi ba witin sin yan kasbrika purara alwani ringban; ais bara masku aswan ba sin auhan.

Lawana Nani 68:33

Kasbrika pura nani ra uli tauki ba, ban kaia ra kasbrika purara ba, Man nani wals ai bîla binka nahki taki ba, ai bîla baikra karnika tara bri ba.

Impakan Sturka 9:23

Moses ai klahkla purara bukan bara Dawan mita imyula bara alwani nani blikan, bara pura wina ais kauhan Idsip tasbaya aiska purara.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 19:12

Yang daukamna naha tawanka ra iwi uplika nani ra takaia Tófet ra takan ba baku. Yang, Dawan, kasak aisisna.

Jirimaya 5:24

Kupiam wal aisi kaikras bara naku sin aisaras: Dawan wan Gâdka ra kulkanka ba yabaia, bara witin mita piua kat lî auhaia bara lî sikwaia nani piua ba wankbia, mâ nani dâkaia piua ba sin piua kat wankbia.

Jirimaya 51:16

Alwani bîla baikra ni lî auhaia binka ba kasbrika purara daukisa, tasba paski tawan ba wina kasbrika nani sunisa, lî auhi ba tilara yan imyula lipisa, pâsa watla wina sakan pâsa ba krawisa.

Emus 4:13

Dawan, il tara nani bara pâsa sin paski ba, witin dîa daukaia luki ba upla ra maisa paki ba, witin ingni ba wina tihmia tara dauki ba, witin tasba pîska kau purara nani ba wapi kaiki ba, Dawan, Gâd karnika aiska bri ba, baha sika ai nina sa.

Sakaraya 10:1

Man nani bui Dawan ra puram suns, mani laya ba auhaia, imyula nani lipi ba sin Dawan daukisa, ban ailal pali witin blîkbia, bara inma wahia ba upla sut dukiara tasba ra pâwbia.