Jirimaya 10:12 - DAWAN BÎLA AISKA

¹² Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 10:12 ပူးပေါင်းရင်းမြစ်များ

Blasi Sturka 1:1

Kau diara wala nani sut paskras kan ba tâura, Gâd bui kasbrika pura ba bara tasba ba wal pas paskan.

Blasi Sturka 2:5

tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia.

1 Kronikas 16:26

Upla wala nani gâdka nani ba lika bahki yus âpu nani sa, sakuna Dawan bui lika kasbrika pura ba paskan sa.

Job 26:7

Gâd mita kasbrika purara ba mangkan sa diara âpu pali tilara, bara tasba ba ban pami swin sa, diara âpu ba purara.

Job 37:18

¿Sip sma ki Gâd ra hilp munaia, kasbrika pura ba kau tara daukaia, bara baha ba aibapi ban swima, bras ni dus wahia daukan aibapi baku?

Job 9:8

Witin lika upla kumi wina hilpka briras kasbrika ba paskan, kabu daiwra saura ba sin ai mina ra taibi ikan.

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 119:90

Man kasakkam lâka ba, ban kaia ra bâra kabia, man tasba ba bapi swiram, ban bâra buisa.

Lawana Nani 24:2

Tasba playka nani ba Dawan bapan, kabu nani bara awala nani purara mangkan.

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Lawana Nani 65:7

Man bui kabu binka tara ba lamni daukisma, bara uplikam nani yakabrira ba sin asla dauki lamni brisma.

Lawana Nani 78:69

Dawan wal prawaia watla kum mâkan, purara pali, kasbrika pura ba baku, bara ban kaia ra bapi swin, sim tasba ba baku.

Lawana Nani 93:1

¡Dawan sika king! ¡Dawan ba kwala painkira ni dingkan sa, karnika ni kir kutbi brisa! Tasba aiska ba, witin bapan nikbia apia wisi.

Sins Lâka 3:19

Dawan sins lâka bara diara daukaia smatka ni, kasbrika bara tasba ba sin paskan;

Sins Lâka 30:4

¿Yamna kasbrika purara uli wan bara kli bal iwan? ¿Yamna pâsa nani ba ai mihta kruskan ra alki briaia sip ba? ¿Yamna kabu laya nani ba ai watlika ra alki mangkan? ¿Yamna tasba tnata lainka nani sut dutki bapan? ¡Yang ra ai wipara ai nina ba nu sma, bara kau pali ai luhpia nina ba!

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Aiseya 40:22

Witin tasba kutbanka na purara kasbrika baila wala ra iwisa, tasba ra nani ba tristrisia nani baku sa; witin kasbrika purara ba slingbi sakisa kwala kum baku, trapalin watla baku bahara palkisa.

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 48:13

Tasba playka na sin yang mihti ni bapri, bara mihti aihkika ba, mihti sirpika bilara kasbrika pura nani ba kulki kaikan; yang bui witin nani ra winri bara bal asla taki maiwanra buan.

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Jirimaya 10:13

Alwani bîla baikra ni lî auhaia binka ba kasbrika purara daukisa, tasba paskanka ba wina kasbrika nani ba sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Sakaraya 12:1

Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.