Jirimaya 1:8 - DAWAN BÎLA AISKA

⁸ Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Jirimaya 1:8 ပူးပေါင်းရင်းမြစ်များ

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Jirimaya 1:17

Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 39:11

King Nabucodonosor Babilon kingka ba, Nebuzaradán aihwawakra nani kamandantika ba ra win, Jirimaya ra dîa wiaia ba:

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Daniel 3:25

—Sakuna yang kaikisna waitna walhwal bâra ba, pauta klauhan ba lilapas ra wapi taukisa; pauta ba bui diara kumi sin munras pali sa, waitna walhwalka ba mawan ba lika insal baku sa.

Matiu 10:26

“Baha mita, man nani upla nani ra sîa bripara. Kan dîa dîa pura prakan ba param sakan kabia, bara dîa dîa yukuwan ra ba sin pain kaikan kabia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Apastil Nani Sturka 18:10

Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.”

Apastil Nani Sturka 26:17

Yang swaki mai sakamna, Ju nani wina bara Ju apia nani wina sin, nanara baha nani tilara mai blikuna ba.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”