Jirimaya 1:17 - DAWAN BÎLA AISKA

¹⁷ Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 1:17 ပူးပေါင်းရင်းမြစ်များ

1 King Nani 18:46

Bara Dawan Ilayas ra karnika yan, witin ai maisa pain wilki Ahab kainara plapi Jezreel ra wan.

2 King Nani 1:15

Bamna Dawan insalka ba bui Ilayas ra win: —Witin wal was, man si bripara. Bamna Ilayas buan bara kiaptin ba wal king ra wan,

2 King Nani 4:29

Bara Ilaidsa bui Guehazí ra win: —Ridi taks, bara kînki ba brih ki bâra man was. Bara ya wal prawma kaka lakula wipara, bara ya lamkula wibia kaka sin lakula daukpara. Bara kînki ba ni tukta pruan ba mawan ra mangkma.

2 King Nani 9:1

Bara prapit Ilaidsa mita prapit nani daknika tila wina kum paiwan balan, bara win: —Taki waia ridi bas. Naha batanka laya na bris bara Ramot Galaad ra was.

Job 38:3

Bara nanara kupiam karnika tânka ba ai mariks, bara naha makabanki na ansika aik.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 7:2

Yang aisisna ba sut man mita Eran ra aisi kama, bara witin mita tawi king fero ra aisi kabia, Israel luhpia nani ba swika ai tasbaya wina taki waia dukiara.

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Jirimaya 26:12

Baha Jirimaya aisin wihta nani ra bara upla sut ra sin, witin win: “Dawan sika witin ai nina ra yang ai blikan, naha tempelka mapara aisaia, naha tawanka mapara sin aisaia, yang aisari man nani sut walram.

Jirimaya 26:2

bara win: “Tempel ra dimaia durka ba ra wih bus, bara dîa sut man aisaia yang mai wîri ba Juda tawanka nani wina upla nani ai pura sunaia aula nani ba ra wis. Mai wîri ba sut pali aisas.

Jirimaya 36:8

Baruc, Jirimaya witin ra dîa win ba baku daukan: tempel ra wan bara Dawan ai bîla blikan ulban wauhkataya ba aisi kaikaia kan.

Inanka Nani 3:57

Yang bui man ra winisna yua ra, man laimara aulma bara ai wisma: “¡Si bripara!”

Jona 3:2

“Bus, Ninibi tawanka tara ra was, yang mai wimna dîa smalkaia sma ba.”

Luk 12:35

“Man nani ridi bas, lampkam nani sin klauhi kabia.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.