Jirimaya 1:15 - DAWAN BÎLA AISKA

¹⁵ Yang, Dawan, man nani ra kasak mai wisna, yahbra tani king tasbaya nani ba sut paiwrika balbia, kingka nani sin balbia bara baha kingka nani ba Jerusalem getka pali ba kat ai iwaika nani ba bapbia tawan kutbanka ba kir, Juda tawanka tara nani ba sin kir kutbi bribia.

Jirimaya 1:15 ပူးပေါင်းရင်းမြစ်များ

Aiseya 22:7

Ilkam bîla pranakira ba wagin nani pali man banhwan sa bara aras ra uplika nani ba aiklabisa tawan karna ba ra.

Jirimaya 10:22

¡Damra wals! ¡Maisa pakanka kum blikan aula! Laih yahbra tani wina bin tara kum aula Juda tawanka tara nani ba upla iwras tasbaya, yul talia nani watla daukaia.

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Jirimaya 13:20

Man nani lamla buki kaiks waihlam yahbra wina nahki aula ba. ¿Yang maikatna daknika ba anira sa, baha daknika ba ra luki mamyuni katma ba?

Jirimaya 25:28

Witin nani man mihta wina kâp ba bri diaia apia wibia kaka, witin nani ra wis: ‘Dawan, karnika sut bri ba, aisisa: Diaia apia wibia sin witin nani diaia sa.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 33:10

Dawan aisisa: “Man nani wisma baha pliska ba upla iwras tasbaya takan, bahara upla âpu daiwan nani âpu; Jerusalem tawan yabalka ba Juda tawanka yabalka ba bîla baman sa; bahara diara âpu, daiwan sin âpu. Baha pliska ra sika witin nani kli balbia bara walbia,

Jirimaya 34:1

Nabucodonosor, Babilon kingka kan ba piua ra, aiklaklabra nani witin bri kan ba, bara nisan wala nani ai kingka lâka ra kan ba aiklaklabrika nani ba sin sut asla brin, bara Jerusalem mapara aiklabi kan, tawan nani baha lamara ba mapara sin, baha piua Dawan Jirimaya ra aisin, bara win:

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 39:3

Babilon kingka watla ra wihta nani ba, Nergal-sarézer, Samgar-nebó, Sarsequim, kli wihta tara wala Nergal-sarézer sin, witin nani tawan lilara getka ba ra dimi takaskan, wihta tara nani ba sin.

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 43:10

Bara witin nani ra wis: ‘Dawan, karnika sut bri ba, Israel Gâdka ba, aisisa: Yang daukaisna duki dadaukra Nabucodonosor, Babilon kingka ba balaia, yang mita ai iwaika ai tintka watla ba yang walpa nani bikri ba purara bapbia.

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Jirimaya 46:24

Idsip ba mâyara ikan kabia, yahbra uplika nani mihta ra aimakbia.”

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Jirimaya 6:22

Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 5:11

Saion bara Juda tawanka nani ra mairin bara tuktan mairin nani ba, bahki kulkan kan.

Isikiel 32:30

“Bahara sa yahbra tani ra tâ brabrira nani sut, Sidón wihtka nani sin. Karnakira kan bara sibrin tara lâka yaban, sakuna nanara lahban sa, war ra pruan nani aikuki, bahki kulkan lâka ni blaki. Dawan luha sa, bara bikan sa kulkan lâka luha war ra pruan nani tilara, raiti ra lahban nani tilara.

Joel 2:20

Kruhkru nani yahbra wina man ra aula ba, man wina laihura sakamna bara upla iwras tasbaya ra man lulkamni. Kabu Pruan ra tâura daknika ba, yarka sut kwapi prubia, bara ninara aula daknika ba sin, Kabu Mediterráneo ra rungkamna, bahara wîna ba sukwi, bisbaya takbia. ¡Yang diara tara nani daukaisna!”

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”