Jirimaya 1:10 - DAWAN BÎLA AISKA

¹⁰ “Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 1:10 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 19:17

Bara ya Hazael sordka wina swakbia ba Jehú bui ikbia, bara Jehú sordka wina swakbia ba, Ilaidsa bui ikbia.

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 25:13

Yang dîa aisari nani ba sut naha kuntrika purara batakamna, naha wauhkataya ra dîa ulban ba sin: Jirimaya sin naha nisanka nani mapara yang nini ra dahra aisin ba sin sut.

Jirimaya 31:28

Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 36:2

“Ulbaia wauhkataya kum bris, bara bahara Israel Juda bara nisan wala nani dukiara sin, yang diara mai wîri ba uls; Josías piua mai aisisatna ba wina naiwa kat sturka ba sut.

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Isikiel 21:19

“Yabal wâl klaks, Babilon kingka ba ai sordka wal bâk lubia. Yabalka wâl ba, sim kuntri wina takbia, bara yabalka tâ pali ra, sain mangkaia kama, baha wibia ani tawanka ra auya.

Isikiel 23:36

Dawan bui ai win: “Man, upla luhpia, ¿want sma Oholá bara Oholibá mapara lâka daukaia? Baku bamna mawan kat wis ai daukanka saura nani dauki ba.

Isikiel 32:18

“Man, upla luhpia, mairin nani nisan sât sât wina ba kira prura lawana kum aiwans, Idsip nisanka ailalkira bara wihta nani ba dukiara: ‘Karnakira nani tasba ra ba, tasba mununhtara kauhbia, pat raiti ra iwi wan nani ba kira.

Isikiel 36:36

Bâra mika tawan nani ai lamara kau rayaka bri nani kabia ba, ai dara walbia. Yang, Dawan mita sauhkan nani ba kli paskisna, daikan nani ba kli saumuk mangkisna. Yang, Dawan, baha aisari, bara baku daukamna.

Isikiel 43:3

Baha lilka yang kaikri ba, Dawan Jerusalem sauhkaia balan taim pat kaikri ba baku kan, bara Quebar awala un ra kaikri lilka ba sin baku kan. Bara yang laila makupri maiwan tasba ra kangbaia praiska kat,

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”