Jems 5:13 - DAWAN BÎLA AISKA

¹³ Man nani tilamra upla kum pât wahwisa kaka, ai pura sunaia sa. Ya ai kupia lilia kaka, Gâd ra mayunra lawana nani aiwanaia sa.

Jems 5:13 ပူးပေါင်းရင်းမြစ်များ

1 Kronikas 16:9

Lawana nani aiwans, witin ra mayuni. ¡Diara tara nani daukan ba dukiara aisas!

Job 33:26

Gâd ra makabia, bara walan kabia; liliakira Gâd wal pana pana ai mawan kaikbia, bara upla nani ra Gâd latwanka lâka ba aiwanbia.

Lawana Nani 105:2

Lawana nani aiwani, witin ra mayuns. ¡Diara tara nani daukan ba dukia aisas!

Lawana Nani 118:5

Yang bui Dawan ra winri, trabil pali ra katna ba ra; witin bui yang ra walan bara ai dakbi ai sakan.

Lawana Nani 18:6

Trabil saura ra kapri yang Dawan ra winri, yang Gâdki hilpka briaia makabri bara witin ai tempelka wina bîli baikra walan; ¡yang inanki nani ba ai kiama ra diman!

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Lawana Nani 95:2

Dimi wap ai mawanra tingki lâka wal, bara lawana aiwanpi, witin ra kulki ba lâka wal.

Aiseya 65:14

Witin nani lika lilia mita aiwanan kabia, ai kupia lilika mita, sakuna man nani lika, wini bara ini kama sari bara kupia sarkira ini kama.

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Jona 2:2

naku aisin: “Yang pâtki tara tila wina, Dawan, man ra winri, bara man pana yang ra aisaram. Prura tihuka tara nani ba wina man ra winri, bara man bui yang ra walram.

Jona 2:7

Daira walri bara pat prui kapri ba ra, Dawan, man ra kupi tanh krawan; bara puri sunra ba man kat ulan, tempelkam watla holikira ba kat.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Matiu 26:30

Witin nani lawana nani aiwanan ningkara, Olivet ilka ra wan.

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Luk 23:42

Bamna witin bila: —Jisas, man king aimaki kama ba ra, yang ra luki bas.

1 Korint 14:15

Ban kaka, ¿yang dîa daukaia sna ki? Spiritki ni puri sunaia sna, bara baha ni baman apia, sakuna kupi lukra ni sin. Spiritki ni lawana nani aiwanaia sna, bara baha ni baman apia, sakuna kupi lukra ni sin.

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

Epesus 5:19

Man nani pana pana walkam wal Pura Sunra Lawana nani baman aisi bas, spirit lawana nani aiwani bas, bara kupiam aiska kira ni Dawan ra aiwani mayuni bas.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

Jems 5:10

Muihki nani, pât wahwaia ba sampla baku bris, Gâd prapitka nani, pât wahwi wihka bîla kaiki, Dawan bîla aisi kan.

Param Marikanka 14:3

Bara witin nani lawana raya kum aiwani banhwi kan, king iwaika ba mawanra, diara rayakira walhwal ba mawanra, almuk nani ba mawanra sin. Upla kumi sin baha lawana ba sip lan takras kan, baha nani 144,000 tasba uplika nani tila swaki sakan ba baman lika.

Param Marikanka 7:10

Witin nani sut ai bîla baikra tara wini, aisi kan: “¡Pura luan lâka ba wan Gâdka dukia sa, witinka king iwaika ra iwi ba, bara Sîp Luhpia ba dukia sin!”