Jems 1:4 - DAWAN BÎLA AISKA

⁴ Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

Jems 1:4 ပူးပေါင်းရင်းမြစ်များ

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 37:7

Dawan mapara sâp bas, witin bîla sin ban kaiki bas; kupiam sauhkpara watawikira nani diara dauki ba yamni baman taki ba dukiara luki.

Lawana Nani 40:1

Yang kupi lukra ba, Dawan ra baman bîla kaikanka brisatni; bara witin bui yang ra tawi winanki nani ba walan;

Sins Lâka 4:8

Witin ra latwan kaiks, bara sin laih purara mai bukbia; kiaubi alks bara kulkanka lâka maikbia.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Matiu 10:22

Upla sut mita yang tâiwan misbara mai kaikbia, sakuna ya ya tnata kat ban bapi bubia ba, baha lika swaki sakan kabia.

Matiu 19:20

Wahma ba bila: —Baha sut yang pat daukri. ¿Dîa ba kau daukaia sna ki?

Matiu 5:48

Man nani upla kasakkira banhwi bas, kasbrika purara ba kasakkira sa baku.

Mark 10:21

Bara Jisas witin ra latwan kaiki, win: —Kau diara kumi man âpu sma: was, bara diara brisma ba sut atki lalahka takbia ba umpira nani ra yas, bâra mika kasbrika purara ba wina mamna brima; ningkara bal, nini blîks.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Luk 21:19

¡Ban bapi bûi kama kaka, raya ban kaia lâka ba brima!

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

Galesha 6:9

Baha mita, yawan diara pain dauki swapaia apia sa; kan swapras kaka, piua pali ba kat yawan mana ba krikbia.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Timoti 3:17

Gâd uplika ba pain lan kabia bara ridi sin pain daukan kabia, wark yamni sâtka nani sut daukaia dukiara.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

2 Pita 1:9

Sakuna ya baha diara nani âpu ba, sim blain kum baku sa, apia kaka, diara ai lama kat baman kaiki ba wal kumi sa; ai âuya tiwan sa, piua luan ra saurka daukan ba wina klin sakan ba.