Jems 1:26 - DAWAN BÎLA AISKA

²⁶ Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 1:26 ပူးပေါင်းရင်းမြစ်များ

Job 15:13

¿Dîa muni Gâd mapara buisma, bara twisam alki takaskras sturi aisisma?

Job 30:11

Nanara aiklabaia dukia nani sut yang mihti wina saki mâyara ai batakan, kulkanka kumi sin yang ra aikras sa.

Lawana Nani 141:3

Dawan, aihwawakra kum bîli ra mangks, bîli ba aihwaki kaiki kaia, yang bîli ba kwâkaia apia mata.

Lawana Nani 32:9

Man nani aras baku, apia kaka muyul baku kapara, kan daiwan nani diara tânka sip briras sa; kakma ra kiwa wilki, apia kaka un ba wilki aubaia, baku wilki aubras sma kaka, sip yabal ra aimakbia apia.”

Lawana Nani 34:13

Ban kaka, twisam ba saura aisapara, unam nani sin kunin lâka aisaia ba wina sâks.

Sins Lâka 10:19

Ya sturi ailal aisi ba, swakwanka ailal brisa; upla ai twisa alki takaski nani ba tânkira sa.

Sins Lâka 10:31

Upla kasakkira bîla ba sins lâka mâ sakisa, sakuna watawikira nani ra twisa ba dakban kabia.

Sins Lâka 14:12

Yabal tara ba, upla nakra ra wapni man sa; sakuna baha tnata pali ra prura bâra sa.

Sins Lâka 15:2

Upla sinskira nani aisanka wina, sins lâka ba urhwi takisa, sakuna sinskas nani bîla aisanka wina, tanis lâka tânka nani ba takisa.

Sins Lâka 16:10

Dawan aisin bîla ba wina king ba brih aisisa; bamna lâ aisi daukaia tilara, ai bîla wina kunin aisabia apia.

Sins Lâka 16:25

Yabal bâra sa upla nakra ra wapni man sa; sakuna baha yabalka tnata ba lika prura.

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Sins Lâka 21:26

Witin bâra sa yu aiska ai brinka karna ba wal, diara brin dauki iwisa; sakuna upla kasakkira diara yabisa ai mihta takaskras kira.

Aiseya 1:13

Sakripais bahki nani kau yang ra bri balpara; kiasmika ba kau brin ai daukras. Kati raya yua, bara ris yua liliaka daukaia dukiara, man nani upla paiwisma ba, sakuna, yang sip kau ban kupi alki takaskras sna, baha uplika nani ai saurka dauki ba.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Matiu 15:9

Yang ra mayunra aikbia ba bahki kabia, ai smalkanka nani ba upla lâka atia sa bamna.’

Mark 7:7

Yang ra ai pura suni mayunbia ba bahki sa, kan ai smalkanka nani ba upla lâka man sa.’

Luk 8:18

“Baku bamna, pain wals; ya diara bri ba, witin ra kau yan kabia, sakuna ya âpu ba lika, witin dîa brisa luki ba sut ai mihta dakban kabia.”

1 Korint 15:15

Bara baku sa kaka, yang nani na Gâd witniska kuninkira nani sna, kan aisi banhri sa, Gâd mita Kraist ba bukan; bamna pruan nani kli buaia ba kunin sa kaka, kasak apia sa Gâd mita Kraist ba bukaia.

1 Korint 15:2

Naha sim smalkanka mita sika swaki mai sakan sa, man nani ba dîa mai smalkri ba kat daukaia lukisma kaka; bahki pali lika kasak luki banhras sma kaka.

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Galesha 3:4

¿Pât nani wauhram ba, sut bahki pali sa ki? ¡Baha nani sut ba man nani hilpkam kata pain lukaina!

Galesha 6:3

Ani uplika, witin diara apia ba, diara tara sa lukisa kaka, witin pali ai lukanka ra kunin munisa.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Epesus 5:4

Swira dukia nani aisapara, sins âpu bîla nani, bîla tâski nani sin aisapara, kan naha diara nani na pain apia sa; kau pain kabia Gâd ra baman tingki wi kaia.

Kli Smalkanka 11:16

Sakuna aman kaiks, kunin mai munbiara gâd wala nani ra mayuni, witin nani mawan ra bawi Dawankam wina tnaya ra tawpara.

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

1 Pita 3:10

Bamna Ulbanka ra naku wisa: “Ani uplika ai rayaka yua nani sut ra lilia bara âuyapah kaia want sa kaka, witin ai twisa ba wilkaia sa saura aisaia apia, bara kunin nani aisi ba sin mahka swibia.