Jems 1:24 - DAWAN BÎLA AISKA

²⁴ Witin nahki ai tânka ba kaikuya, kuna mahka auya; witin nahki kata ba ai âuya tiwuya.

Jems 1:24 ပူးပေါင်းရင်းမြစ်များ

Matiu 8:27

Disaipil nani ba tâ iwi, naku aisi banhwan: —¿Naha na dîa sât waitnika ki, pâsa nani bara kabu sut ai bîla wali na?

Luk 1:66

Bamna naha sturka walan nani sut ba, bahara luki pana pana aisi makabi wali kan: “¿Naha tuktika na dîa kabia ki?” Kan Dawan karnika witin wal param kata.

Luk 7:39

Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.

Jems 1:23

Bamna ya sturka yamni ba wali, sakuna bîla wali daukras kaka, witin lika upla kum ai mawan kaikaia glaska ra ai mawan kaiki ba baku sa.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.

2 Pita 3:11

Baku diara nani sut na âpu daukan kaia sa kaka, ¡luki kaiks nahki holikira bara Gâd ra luki tauki kaia sma ba!

Wihta Nani 8:18

Baha daukan ba ningkara Gedeón bui Zébah bara Salmuná wal ra makabi walan: —¿Tabor uplika nani man ikram ba, nahki kan witin nani ai daukanka ba? Witin nani pana win: —Witin nani ba man nani tamlia kan, kumi bani ba wihta nani kan, wihta tara, waitna karna kan.