Jems 1:19 - DAWAN BÎLA AISKA

¹⁹ Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.

Jems 1:19 ပူးပေါင်းရင်းမြစ်များ

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Nihimaya 9:3

Sut pali ai pliska kat bûi kan awar yumhpa, bara Dawan ai Gâdka lâka wauhkataya ba aisi kaiki banhwan, bara awar yumhpa wala ba lika ai saurka nani dahra saki Dawan ra mayuni banhwi kan.

Job 32:16

Sakuna lukpara yang sin bîli praki brimna naha nani wal baku, kan witin nani diara kumi sin mampara aisaras pali sa.

Sins Lâka 10:19

Ya sturi ailal aisi ba, swakwanka ailal brisa; upla ai twisa alki takaski nani ba tânkira sa.

Sins Lâka 13:3

Witin ai bîla alki yamni bri ba, ai rayaka ba sin alki brisa; sakuna ai bîla uya kwâki ba lika, sauhki tikan kabia.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 15:18

Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

Sins Lâka 15:2

Upla sinskira nani aisanka wina, sins lâka ba urhwi takisa, sakuna sinskas nani bîla aisanka wina, tanis lâka tânka nani ba takisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Sins Lâka 17:27

Ai bîla aisinka nani takaski bri ba sins lâka brisa; bara ai spiritka lamni bri ba lika diara tânka luki waitnika.

Sins Lâka 18:13

Ani uplika diara aisi ba, pain kau walras pat pana mapara aisi ba, baha lika taniskira sa, ai swira tara sa sin.

Sins Lâka 18:21

Prura wih raya kaia wal ba wan twisa karnika mihta ra sa; bara baha lihki uplika baha mâ brih pibia.

Sins Lâka 19:11

Upla tânkira muni ba mita, ai lawanka tara ba ban alki takaski brisa; bara witin ai prana ba sika, witin ra saura munan sakuna pana diara munras ban pura luisa.

Sins Lâka 19:19

Kasak ai kupia baiki uplika ba, ai saurka mana aibapbia; baha wina ban pri pali swibia kaka, diara nani kau saura takbia.

Sins Lâka 21:23

Ya ai tânka brisa dîa aisi ba, aima kumi sin pât ra dimras sa.

Sins Lâka 25:28

Tawan kaina kutbras baku sa bara pât dimaia ba sin isi sa, baku sa ya ai spiritka sip alki takaskras ba.

Sins Lâka 29:20

Upla taniskira ba kau bîla kaikaia brisa wihki, waitna kum diara luki, kaikras ban inipis sturi aisi ba wal.

Kulki Kaikanka 22:27

Bara biriku ba Dawan insalka ba kaikan bara tasba ra aitnikan, bara Balaam kupia baiwan bara dus ni biriku ba ra prukan.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 12:37

¿Bamna nahki Misaya ba Debit kiamka kabia, kan Debit pali bui witin ra Dawan wisa kaka? Upla nani, ailal kan ba, ai kupia liliakira ni Jisas ra wali kan.

Mark 2:2

Tisku kan, pat upla ailal asla takan, dur lama ba sin tutukwa pali kan. Jisas mita Gâd sturka yamni ba aisi smalkan.

Luk 15:1

Lal mana saki Rom ra bliki nani bara upla saurakira nani sut Jisas lamara balan, witin ba wina walaia.

Luk 19:48

Sakuna nahki ikaia yabalka ba sip witin nani sakras kan, upla sut mita Jisas ra aman pali wali kan bamna.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 10:33

Baha mita mahka blikri man mai plikaia, bamna man aitani pali balram. Nanara yang nani sut nahara banhwisni Gâd mawanra, man ra Dawan mita dîa maikka aisama ba walaia.

Apastil Nani Sturka 13:48

Ju apia nani ba naha walan ba ra, lilia pali takan, bara mahka aisin Dawan bîla ba pain pali sa. Bara baha nani sut raya ban kaia lâka briaia kan nani ba, kasak lukan.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Kolosi 3:8

Sakuna nanara naha diara nani sut mahka swis: kupia baiwanka, brinka karna lâka, saura lâka nani, swira daukaia lâka nani, bîlam wina saura aisaia ba sin.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

Jems 1:16

Muihki laitwankira nani, upla yarka kunin mai munbiara;

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 2:1

Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Jems 3:10

Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Jems 5:19

Muihki nani, man nani tilam wina kum kra kasak tânka wina tnaya ra takbia ba ra, upla wala mita kli wapni ra mangkbia kaka,

1 Jan 2:21

Bamna yang bui man nani ra ulbisna ba lika, man nani diara kasak tânka ba pain kaikisma ba dukiara, kaikras lika apia; bara man nani mita pain kaikisma, diara kasak ba wina kunin kumi sin sip balbia apia ba.