Jasua 9:14 - DAWAN BÎLA AISKA

¹⁴ Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

Jasua 9:14 ပူးပေါင်းရင်းမြစ်များ

2 Samuil 2:1

Baha ningkara, Debit bui Dawan ra makabi walan, bara win: —¿Yang Juda tawanka nani kum ra waia sna ki? Dawan bui witin ra pana win: —Âu, man waia sma. Debit kli makabi walan: —¿Ani tawanka ra yang waia sna? Bara Dawan pana win: —Hebrón ra.

2 Samuil 5:19

Naha mita, Debit ba Dawan wal aisin, bara makabi walan: —¿Filisteo nani wal aiklabaia sip sna ki? ¿Pura luanka lâka ba aikma ki? Bara Dawan pana win: —Âu, aiklas, kan pura luanka lâka ba maikamna.

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Impakan Sturka 28:30

Bara ai lama purara, lâ dauki dukia Urim bara Tumim wi ba, baha sin bri kabia; baha nani ba Eran ai kupia purara bri kabia, witin Dawan mawanra wih bubia ba ra. Bara sin Eran piua bani ra ai kupia purara, baha Dawan lâ daukaika dukia nani ba ban bri kabia.

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jasua 9:13

Batilki nani sin taya raya kan, wain laiki banhkri kan ba, sakuna nanara sut kalwan; yang nani prâika, sandalki nani sin raya kan, kuna nanara baha sin sut kalwan, yabal wihka yang nani impakri ba mita.

Wihta Nani 1:1

Jasua pruan ba ningkara, Israel luhpia nani bui Dawan ra makabi walan, witin nani walaia brin dauki kan, ai kiamka nani ba tila wina ya kiamka ba pas Kenan uplika nani ba mapara war aiklabaia waia ba.

Wihta Nani 20:18

Israel luhpia nani ba Betel ra wan, bahara witin nani Gâd ra ai pura suni makabi walaia, ai tila ba wina ya kiamka ba wina war tâura aimaki, Benjamín nani mapara aiklabaia waia ba. Dawan bui witin nani ra win, Juda kiamka ba wina tâura aimaki aiklabaia wabia.

1 Samuil 22:10

Debit dukiara Ahimélec Dawan ra makabi walan, bara witin ra plun yan, filisteo Goliat sordka ba sin.