Jasua 8:29 - DAWAN BÎLA AISKA

²⁹ Witin sin adar yaban Ai kingka ba dus purara pami langki swiaia tutni kat. Yu diman ra witin kli adar yaban bara witin nani wan bara wîna tara ba saki tawan getka lamara bri balan, bara witin nani walpa tara nani bri sal wîna tara ba purara paski biki swin. Baha walpaya pura paskanka ba naiwa kat ban bâra sa.

Jasua 8:29 ပူးပေါင်းရင်းမြစ်များ

2 Samuil 18:17

Unta tara wina Absalón wîna ba saki brin, bara unta pakni kum bâra kan ba baha ra mangkan bara walpa tara nani ni purara paskan. Baha ningkara, Israel luhpia nani sut ai watla ra plapan.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Lawana Nani 107:40

Gâd ba upla tataibra nani ra saura kaikisa, baha nani ra munan upla iwras tasbaya, yabal âpu ra wih aimawahki tiwisa.

Lawana Nani 110:5

Dawan ba man mihtam aihkika ra bâra sa; ai kupia sauhkanka yua ra, king nani ba sauhki tikbia;

Jan 19:31

Insal luan Yua Liliaka kainara kata, bamna Ju nani want apia kan upla wîna tara nani ba dus prihni ra ban swiaia ris yua kat, kan baha ris yua ba lika kulkanka tara yabi kata. Baha mita Ju nani mita Pailat ra makaban suldiar nani blîkbia, dus prihni ra uplika nani ba kuhma dusa nani ba krikaia, ai wîna tara nani ba sin dus prihni ba wina lahbia.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Jasua 10:30

Dawan ba baha tawanka ba bara kingka ba sin ai mihta ra mangkan, diara nani bâra kan ba âpu daukan, upla rayaka sin sut, Libná kingka ra bara Jeriko kingka ra munan ba baku munan.

Jasua 10:33

Horam, Guézer kingka ba, bal takan aiklaklabra nani ba wal Laquis tâ baikaia dukiara, sakuna Jasua mita sut sauhki tikan, bara upla kumi sin raya swiras kan.

Jasua 12:9

King nani sauhki tikan ba naha nani kata: Jeriko bara Ai kingka, Betel lamara tawanka ba,

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.

Jasua 8:23

Ai kingka ba baman lika ikras kan, ban raya alki Jasua ra brih wan.