Jasua 8:2 - DAWAN BÎLA AISKA

² bara man bui Ai tawanka kingka ba ra, Jeriko tawanka kingka ra sin daukan ba baku man dauks, sakuna naha taim lika Ai ra pura luma ba ra, diara nani ba, daiwan nani ba sut man nani dukiam kabia. Bamna ridi taks tawanka nina tani bâk dimi kutbi alkaia.”

Jasua 8:2 ပူးပေါင်းရင်းမြစ်များ

2 Kronikas 13:13

Jeroboam adar yaban kan, ai suldiar nani ninara aula ba, kaina kir kutbi nina wina aiklabaia, baku ba ra Jeroboam suldiarka kau kwâra ba mawan tani wina aiklabaia Juda mawan ba kat, bara suldiar nani ninara aula kan ba, nina wina aiklabi kan.

2 Kronikas 20:22

Tisku witin nani mahka lilia lawana Dawan ra aiwani banhwan ba ra, Dawan mita Amón uplika nani tilara tanis sin daukan, Moab uplika nani tilara sin, bara Seír ilka uplika nani tilara sin, baha nani Juda mapara war daukaia aula kan, sakuna baha nani ra sut sauhki tikan.

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Sins Lâka 28:20

Upla kasak aitani kulkanka bri ba mayunan kabia, sakuna ya lalahkira takaia aihni muni ba, pâtkas kulkan kabia apia sa.

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Jirimaya 51:12

¡Man nani Babilon kutban ba slingbaia tukinka ba yas! ¡Aihwawakra kau ailal bris! ¡Tawer ra aihwawakra nani swis! ¡Man nani yabal ra aihwaks! Dawan ridi takan bara witin Babilon mapara dîa daukaia maisa pakan ba witin baha sut daukan.

Kli Smalkanka 2:35

Yang nani dakbi briri tawanka nani wina alkri ba daiwan nani, diara mana tara dukia nani baman bri banhri.

Kli Smalkanka 20:14

Dawan Gâdkam mita man nani waihlam baha tawanka bilara ba wina, mihta dakbi mairka, tuktika bara daiwra nani sut maikbia, baha wina pih aibanhwi liliam takma.

Kli Smalkanka 3:2

“Bamna Dawan bui ai win: ‘Witin sîa yapara, kan witin ai suliarka bara ai tasbaya aiska man nani mihtam ra mangkri sa, Sihón ra, amorreo nani kingka Hesbón ra iwi kan, witin nani ra dîa munram baku munma.’

Jasua 10:1

Jerusalem kingka Adonisédec ba walan, Jasua Ai tawanka sauhki tiki ai mihta ra brin, bara sin Jeriko kingka ra dîa daukata ba baku Ai king ba ra sin daukan, bara Gabaón uplika nani ba lika kupia kumi daukan Israel luhpia nani aikuki, bara nanara lika witin nani tilara aikuki iwi kata. Naha walan ba ra sibrin daukata, kan Gabaón ba tawan tara kum kata, Ai ba wal kau tara, ai kingka lâka sin bara uplika nani ba kupia karnira kan.

Jasua 10:28

Baha sim yua, Jasua Maquedá tasbaya brin bara sut sauhki tikan, tawanka ra iwi kan nani sut ba sord napa malika ra ikan. Bara upla bani sin raya swiras, Maquedá kingka ra daukan, sim Jeriko ra daukan ba baku.

Jasua 11:14

Baha tawanka ra iwi kan ba sut sord napa malika ra pruan, upla kumi sin swakras, daiwra nani bara diara sut bâra kan ba brin.

Jasua 6:21

bara witin nani sord ni waitna, mairin, wahma, tiara, almuk, bîp wainhka, sîp, biriku nani sut ikan. Diara sut ba sauhki âpu tiki banhwan.

Jasua 8:12

Jasua sin waitna nani 5,000 baha muna Betel wihki Ai wal bilka ra wih bâra yukuwi kabia win.

Jasua 8:14

Israel luhpia nani il bîla ra dîa dauki kan ba Ai kingka ba kaikan. Bara witin sin mahka buan, war aiklaklabra nani ba aikuki ridi takan Israel luhpia nani ba mapara aiklabaia waia Jordan ilka bîla ba kat. Sakuna witin nani ai dara walras kan, Israel luhpia nani dakni wala kum pat tawan ba nina tani ra yukuki bâra kan.

Jasua 8:19

Bara baha nani yukuwi kata ba isti pali bal taki, tawan ba ra plapi diman bara mahka tawan ba angkan.

Jasua 8:24

Witin nani twi ra Ai uplika nani sut sord ni ikan ba ningkara, kli tawan ra wan bara upla wala nani kau raya kan ba sin sut ikan.

Jasua 8:3

Bamna Jasua buan bara ai suldiar nani aikuki ridi takan Ai mapara aiklabaia dukiara. Suldiarka aiklaklabra kau pain nani ba 30,000 wahbi sakan, bara baha nani ba tihmia ra blikan wan,

Jasua 8:7

Bara baha taim man nani yukuwaikam ba wina bal taki, tawan ba bilara dimi alki bris, kan Dawan man nani Gâdkam bui tâm baikbia bara uplika nani ba mihtam ra mangkuya.

Jasua 8:8

Dawan Gâd wina adar maikan ba baku, tawanka bilara dimma ba ra mahka angks. Baha lika adar kum sa.”

Jasua 8:9

Jasua adar yaban ba baku witin nani mahka taki wan, Betel bara Ai wal lilara bara Ai muna tani ra yukuwi banhwan. Jasua lika ai kiampka ra tihmia lalawan.

Jasua 9:3

Ban sakuna, heveo nani Gabaón ra iwi kan ba, witin nani pat walan kan Jasua bui Jeriko tawanka nani ba, Ai tawanka nani ba wal aiklabi dîa munan ba.