Jasua 7:9 - DAWAN BÎLA AISKA

⁹ Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

Jasua 7:9 ပူးပေါင်းရင်းမြစ်များ

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Lawana Nani 48:10

Man Dawan, man ninam ba tasba aiska ra mamyunan sa man ninam tânka ba kat. Man karnikam ba wal kasakka lâka ba aiska daukisma.

Lawana Nani 79:9

Gâd, man, wan swaki Sasakra, ¡hilp wan muns, pri wan sâks bara wan saurka sin swih tiks, man ninam prana ba mita!

Lawana Nani 83:4

Witin nani lukisa bal sauhki wan tikaia, yawan ba nisan baku iwaia apia wisi, bara kli wan kupia kraukbia apia, Israel nina ra.

Lawana Nani 83:5

Witin nani lâ kum daukan, man mampara, uplika nani sut ba kumi baku taki:

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Kulki Kaikanka 14:13

Sakuna Moses pana Dawan ra aisin: —Man bui karnikam ni naha uplika nani na Idsip wina sakram. Bara nanara man daukaia wisma na Idsip uplika nani walbia ba ra,

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

Kli Smalkanka 9:28

Kuntri wina sakram ba dukiara witin nani naku aisin apia ba mata: Dawan yawan pramis wan munan kuntri wala ra wan brih waia wisi, sakuna witin sip apia takan bara misbara wan kaikan, bara baku upla iwras tasbaya ra wan brih balan yawan nâra pruaia.

Jasua 7:10

Bara Dawan pana Jasua ra win: —¿Man bâra dîa daukisma? Bahara prawisma ba wina mahka bus.

Jasua 7:8

¡Ay, Dawan! ¿Israel luhpia nani, ai waihla nani mawan wina ai nina tawi plapan ba, nanara yang dîa wimna?

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.