Jasua 7:7 - DAWAN BÎLA AISKA

⁷ Bara Jasua lika Dawan ra naku ai pura sunan: —¡Ay, Dawanki! ¿Dîa yang nani na, amorreo nani mihta ra aimakaia baman Jordan awala baila wala ra lui banhri ki, bara witin nani mita ai sauhki tikaia? Naku takaia ba win kata kaka, yang nani Jordan awala baila wala ra ban bâra kaina.

Jasua 7:7 ပူးပေါင်းရင်းမြစ်များ

2 King Nani 3:10

Bamna Israel kingka ba aisin: —¡Ay! Dawan mita baha king nani yumhpa ba yawan ra brih aula talia sa, yawan mita Moab uplika nani mihta ra mangkaia.

Lawana Nani 116:11

Yang kupi takaskras aisi wîri: “Upla sut kunin man aisisa.”

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Impakan Sturka 17:3

Ban sakuna, upla nani ba diran dauki kan bamna, Moses mapara karna aisin. Witin nani wi kata: —¿Dîa muni Idsip wina wan sakram? ¿Lî diran bla wan luhpia bara wan daiwra nani sut aikuki, wan ikaia daukram?

Kulki Kaikanka 14:16

‘Dawan ba baha uplika nani ra tasba kum yaia win ba, sip apia takan bahara brih waia, bara upla iwras tasbaya ra sut iki tikan.’

Kulki Kaikanka 14:3

¿Dîa muni Dawan naha tasbaya ra wan brih balan? ¿Yawan aiklabi prubia bara wan maya nani, wan luhpia nani sut sin silak ra kauhaia? ¡Kau yamni sa, yang nani kli Idsip ra tawi waia!”

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Hibru Nani 12:5

Gâd mita man nani ba, witin luhpia nani baku mai smalki dukia ba, ¿âmya tikram ki? Ulbanka ra naku wisa: “Luhpi, Dawan mita klala maiki wipi ba ra, baha ba bahki baku kulkpara, lawi mai dauki ba ra sin man dring iwpara.

Jasua 7:6

Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Jasua 7:8

¡Ay, Dawan! ¿Israel luhpia nani, ai waihla nani mawan wina ai nina tawi plapan ba, nanara yang dîa wimna?

1 Samuil 4:3

Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”