Jasua 7:6 - DAWAN BÎLA AISKA

⁶ Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Jasua 7:6 ပူးပေါင်းရင်းမြစ်များ

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

Blasi Sturka 37:34

Bara Jekob ai prâka kalkan, kwala siksa diman, bara piua wihka ai luhpia pruan ba sarka brih iwi kan.

2 Samuil 1:11

Bamna Debit bara ai uplika nani sut, ai prâka kalkan ai kupi wirha diman ba tânka,

2 Samuil 1:12

bara Saúl ai luhpia Janatan wal pruan ba dukiara ini, ai kupia wirha pali brin, Israel luhpia nani, Dawan war aiklaklabrika nani ra waihla nani bui pura luan ba dukiara, bara kaiki sin plun piras ban tutni kat kan.

2 Samuil 1:2

Sakuna yu yumhpa luan ra Saúl kiamka wina waitna kum balan, prâka kalwan, ai lal ra sin tasba yakaban sari tukinka baku. Witin Debit lama kat bal ai lal tasba ra bawi kulkanka yaban.

2 Samuil 12:16

Bara Debit Gâd ra ai pura sunan, baha tukta dukiara, kaiki plun piras kakna an tihmia tasba kat prawi kan.

2 Samuil 13:19

ai lal ra yamhpus yakaban, ai prâka dimi kan ba kalkan, ai mihta bara ai lal ra alki, ini yabal ra taki wan.

2 Samuil 13:31

King baha walan ba ra, bûi ai prâka kalkan bara tasba kat prawan. Wihta tara nani sut sim baku ai prâka kalkan bâra bûi kan nani ba.

2 King Nani 22:11

Bara king ba naha Lâ wauhkataya aisi kaikan walan ba ra, ai prâka ba kalkan,

2 Kronikas 34:19

King naha aisi kaikan ba walan wauhkataya ra dîa wi ba, bara witin ai kwalka bisbi kalkan.

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Ester 4:1

Bara Mardoqueo ba naha diara nani sut takan na walan ningkara, ai kwalka kalkan bara sari kwalka kusni diman; baha wina yamhpus ai lal ra yakaban, bara tawan aiska bâk wapi wini taukan.

Ester 4:3

Bara tasba bani ra king adarka ba waluya ba ra, Ju nani ba kaikan ai trabilka ba tara sa, bara param marikan ai sarka bri ba. Plun wahwan, ai nakra laya saki ini yahwan, tila manis ba yamhpus ra aitnikan bara kwala kusni diman.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Job 2:12

Bara witin nani ba Job ra sip kaikaia pliska ba kat wan, witin nani Job ra wiria kaikan ba ra ai bîla baikra karna saki ini banhwan. Bara uya pali ai kupia wirha wal, ai prâka kalki, tasba yamhpuska nani ai lal purara yakaban.

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Inanka Nani 2:10

Saion pranakira almukka nani ba sâp taki tasba kat iwisa, krukus kwalka dimi tasba puknika ai lal ra yakabisa. Jerusalem tiarika nani lika, ai lal ba tasba kat makupisa.

Kulki Kaikanka 14:6

Bara Jasua, Nun luhpia ba, Caleb Jefuné luhpia ba wal, naha nani sika tasba tânka sâbi kaiki banhwan ba, witin nani sari tukinka mariki ai prâka nani kalki banhwan.

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Kulki Kaikanka 16:45

—¡Naha uplika nani tila wina tnaya ra taki banhs, naiwa baha nani âpu daukaisna bamna! Bamna Moses bara Eran wal ai lal bawi ai mawan ba tasba kat prakan.

Apastil Nani Sturka 14:14

Sakuna Pal bara Bernabé wal baha sturka walan ba ra, ai kwalka nani kalki ban upla nani ba tilara dimi, ai bîla baikra karna winan:

Jasua 7:7

Bara Jasua lika Dawan ra naku ai pura sunan: —¡Ay, Dawanki! ¿Dîa yang nani na, amorreo nani mihta ra aimakaia baman Jordan awala baila wala ra lui banhri ki, bara witin nani mita ai sauhki tikaia? Naku takaia ba win kata kaka, yang nani Jordan awala baila wala ra ban bâra kaina.

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”

Wihta Nani 11:35

Jefté ai luhpia mairin aula ba kaikan, bara sari lâka tara tukinka natka kat ai prâka ba kalkan bara witin ra win: —¡Ay, luhpi mairin, man sari lâka tara kum aikuma na! ¡Man pali bui kupi sarka lâka tara paskuma, yang sika Dawan wal pramis takri sa, bara yang dîa daukaia wîri ba dukiara bîli kat daukaia sna!

Wihta Nani 20:26

Bara Israel luhpia nani suldiarka sut tawan uplika nani sin kli Betel ra wan, bara Dawan mawanra yu aiska plun piras ai sarka tara bri inan. Dawan mawanra wîna aiska angki, kli wal wapni sakaia sakripaiska dauki Dawan ra yaban.

Wihta Nani 21:2

Sakuna ningkara witin nani Betel ra asla takan, bara yu aiska Dawan mawanra buan, ai pura suni tihmia kat, ini makabi wali kan dîa daukaia ba:

1 Samuil 4:12

Sakuna aiklaklabra kumi ba Benjamín kiamka wina, witin yakan yukuwi swak takan war ba wina. Waitna ba baha yua pali plapi Siló ra wan, ai prâka ba kalwan bara ai lal ra sin tasba banhki kan.