Jasua 7:3 - DAWAN BÎLA AISKA

³ bara witin nani kli tawi balan bara diara kaikan ba sturka ba sut Jasua ra win: “Yang nani kaikisna wan uplika nani na sut Ai mapara wih aiklabaia apia sa, upla 2,000, apia kra 3,000 wabia kaka, baha aitani sa tawanka ba dakbi briaia. Kan uplika nani ba maura lupia baman ai tawanka ba kan kahbi aihwakisa. Bamna wan uplika nani sut blîkpara.”

Jasua 7:3 ပူးပေါင်းရင်းမြစ်များ

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Sins Lâka 21:25

Upla sringwaskira, kupia brinka mita witin ba ikuya; kan ai mihta nani wark takan daukras bamna.

Luk 13:24

—Man nani trai muni, dur bîla sirpi bâk mahka dims; kan yang mai wisni, upla manis dimaia want kabia, sakuna sip dimbia apia.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Jasua 7:2

Jasua mita tila waitna nani ba Jeriko wina, Ai tawanka tara ra waia blikan kan, Betel lalma ra, Bet-avén lamara. Witin nani ba blikan kan baha tawanka uplika nani iwanka ba lâka tânka ba laki kaikaia. Bara witin nani Ai tawanka tânka ba wapi kaikan,

Jasua 7:4

Baku win bamna, waitna 3,000 bahmuna blikan Ai uplika nani ba mapara aiklabaia waia. Sakuna Ai uplika nani mita panaura aiklabi pura lui bara munan plapan;

2 Pita 1:10

Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.

2 Pita 1:5

Baha mita, trai kaikaia sma kasakkam lukan lâka ra, daukankam pain ba pura prakaia daukanka pain ra tânka briaia lâka;