Jasua 7:15 - DAWAN BÎLA AISKA

¹⁵ Bara ani waitnika baha implikan dukia nani bri ba, witin ai taya nani ba, ai dukia nani ba sut aikuki angki sauhki âpu tikbia, kan witin bui Israel luhpia nani tilara baha swira lâka daukan bara Dawan lâka ra lâ daukan ba kat daukras kan ba tâwan.

Jasua 7:15 ပူးပေါင်းရင်းမြစ်များ

Blasi Sturka 34:7

Jekob luhpia waitna nani ba twi wina balan bara dîa takan sturka ba sut walan. Bara witin nani ai kupia baiki banhwan. Siquem, Dina ra taibi munan lâka ra wal yapan ba lika Israel mapara diara saura pali daukan. Baha daukanka saura ba lika daukaia apia pali saurka ba daukan.

2 Samuil 13:13

¿Swiri lâka ba wal yang anira waia sip kamna? Bara man mampa ra sin Israel ra sinskas kum mai kulkan kabia, man ra mamkabisna man king wal aisas, witin bui man ra apia mai wibia apia yawan wal briaia.

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.

Jasua 7:16

Yapra wala titan pali Jasua pat buan, bara upla nani ra win kiamka kumi bani ai daknika kat ai mawanra balbia. Witin nani aidrubi balan ba ra, Dawan Juda kiamka ba kat aisin.

Wihta Nani 20:10

Kiamka bani ba tila wina, upla matawalsip bani tila wina kumi, witin nani suldiar nani ba pata pliki briaia wirhika ba baha nani ai purara bribia. Upla wala nani ba aiklaklabra nani Guibeá ra wabia, witin nani baha wan nina sauhkanka lâ tara pali daukan ba mana klala yabaia.

Wihta Nani 20:5

Sakuna baha tihmika tawanka uplika nani ba yang dimri watla ba kutbi brin, yang ai ikaia wisi, bara baku yang mayi lila ba alki saura muni ikan.

Wihta Nani 20:6

Bara yang mayi wîna tara ba tami sirpi daukri, bara wîna klakanka pîska nani ba kuntri aiska ra blikri, Israel aiska ra marikaia naha lâ krikanka tara na nina sauhkanka lâka tara daukan tânka ba marikaia.

1 Samuil 26:21

Bara Saúl win: —¡Luhpi Debit, saurki ba lata kaikisni! ¡Yang sinskas kum baku wataukisna, swakwanki ba tara sa! Sakuna kli tawi bal, yang kli saura mai munaia plikamna apia. kan naha yua pali ra mairikisma man bui yang rayaki ba kulkisma.