Jasua 7:12 - DAWAN BÎLA AISKA

¹² Baha mita Israel luhpia nani ba ai waihla nani mapara sip bubia apia. Baha nani mawan wina witin nani plapaia sa, kan nanara Israel luhpia nani ba aitani sa sauhki tikaia lâka ra mangkan kaia. Bara man nani mahka pali, baha dukia nani sut slingbi tikaia mai wîri ba slingbi tikras sma kaka, yang lika man nani wal ban kamna apia.

Jasua 7:12 ပူးပေါင်းရင်းမြစ်များ

Lawana Nani 44:10

Man wan munram, waihli nani mawanra nini tawi plapri; misbara wan kaiki nani bal wan dukia nani implikan, witin nani dîa brin dauki kan ba daukan.

Lawana Nani 60:10

Gâd, man, yang nani ra lulki wan swiram sa, ¡aiklaklabra nani yawan bri ba wal man waras sma!

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Aiseya 59:2

Sakuna man nani, watawikam lâka nani ba mita Gâdkam wal aihka dakbi mai sakan, saurkam nani ba mita, witin ai mawan ba man nani wina yukukan mai walaia apia lukan.

Jirimaya 23:33

“Jirimaya, naha uplika nani tila wina upla kum kra, prapit kum kra, prîs kum kra mamkabi walbia kaka: ‘¿Dawan ai bîla blikan ba dîa wisa?’, man bui witin nani ra wis: ‘Dawan kasak aisisa man nani ba witin ai mapara wirhika kum sma bara mai swika kauhma wisa.’

Jirimaya 6:8

Jerusalem, man mita wapnika dauks, apia kaka yang kupi sauhki man wina tnaya ra tawamna, upla iwras tasbaya ra mai lakamna, upla âpu bîla man mai swimni.”

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Abakuk 1:13

Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Kulki Kaikanka 14:39

Dawan dîa Moses ra win ba, witin bui Israel luhpia nani ra maisa pakan, bara witin nani sut sari pali taki banhwan.

Kulki Kaikanka 14:42

Bamna kainamra kau wapara, kan Dawan ba man nani wal apia sa. Waihlam nani bui puram lubia.

Kulki Kaikanka 14:43

Bahara Amalec uplika nani bara Kenan uplika nani ba sin, man nani wal aiklabaia kainamra bîlam kaikisa bara mai iki âpu mai daukbia. Man nani mita Dawan ra lulkram piua ba kat auma, witin lika man nani wal apia sa.

Kulki Kaikanka 14:45

Bamna baha tasbaya ra iwi kan nani ba bal takan, Amalec uplika nani bara Kenan uplika nani sin. Bara Israel luhpia nani ra nina blikan ban Hormá kat, iki âpu daukan.

Kli Smalkanka 7:26

Baha mita lulkan dukia kumi sin man nani wamtla ra bri wapara, man nani ra sin sauhki mai tikan kaia apia ba mata. Baha ba sauhki tikaia lâka sa, baha mita saura kulki banhwaia sma.

Jasua 6:18

Man nani aman kaiks, tawan bilara diara nani ba wina diara kumi sin bripara, mihtam sin kangpara, kan diara sut bâra ba dukiara pat adar win sa baha sut sauhki tikaia, baku daukras kama kaka, Israel kiampka Dawan mita lahtuban kabia bara sari lâka tara twilkbia.

Wihta Nani 16:20

ai bîla baikra tara winan: —¡Samson, filisteo nani mai priskaia aula! Samson yapi kan ba wina rawi buan, witin lukan piua wala nani ra swak taki kan ba baku nanara sin kli swak takbia; sakuna witin ai dara walras kan Dawan bui witin ra pat lulki swin ba.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 2:4

Dawan insalka ba aisi swin ba ra, Israel luhpia nani sut ba ai kârma kalki mahka inan.

1 Samuil 14:38

Bamna Saúl bila win: —Aiklaklabra wihtka nani sut laimara bal, bara tânka pliki kaiks naha saurka na ya daukan.