Jasua 6:23 - DAWAN BÎLA AISKA

²³ Witin nani wan, Rahab watla ra diman, bara aisika, yaptika, muihnika, lakrika bara taika nani sin sut latara sakan, bara Israel luhpia nani tintka lata tani ra plis kum ra bri si swin.

Jasua 6:23 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 18:24

Ban kra tawan tara ba ra upla pâtkas nani 50 bâra sa kaka, ¿baha nani 50 ba swaki sakaia dukiara wala nani ba pâtka ban swih tikras sut pali iki tikma ki?

Blasi Sturka 19:29

Baku, Dawan baha twi langnika tasbaya tawanka tara nani, Lot bahara iwi kan ba sut sauhki tikan. Sakuna witin Ebraham dukiara ai kupia ra luki kan bamna, Lot ba sauhki tikan tawanka ba wina sakan.

Kulki Kaikanka 31:19

Bamna baha nani sut upla ikbia ba, apia kaka upla pruan ra kangban sa kaka, yu 7 upla tila wina utla lata tani ra kaia sa. Man nani sut bara silak ra uplika nani ba sin, yu yumhpa alkbia piua ra aima kum sunu takaia. Baha ningkara yu 7 alkbia ra kli aima wala kli sunu takbia.

Apastil Nani Sturka 10:28

Bara Pita bila: —Man nani pain kaikisma, Ju sertska ba lâ yaras sa, Ju uplika kum ba Ju apia uplika kum wal asla takaia, apia kaka watla ra kra dimaia. Sakuna Gâd mita ai marikan yang bui upla kumi ra saura, apia kaka tâski sin wimna apia.

Apastil Nani Sturka 27:24

Bara insal ba naku ai win: ‘Si bripara, Pal, kan man Rom kingka tara mawanra buaia kama, bara man tamka mita Dawan naha uplika nani aikuki duri ra sma na, sut swaki sâkbia prura wina.’

1 Korint 5:12

Kan yang bisniski apia sa kristian daknika apia banhwi ba lâka daukaia; Gâd mita witin nani lâka daukbia. Sakuna man nani mita bilara banhwi ba lâka pat daukisma. Baha mita, baha saurakira ba man nani tilam wina brih sâks.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Jasua 2:13

bara aisiki, mamiki, muihki nani bara laikra nani luhpia nani ba ikpara, raya swis. ¡Man nani bui yang nani ra prura wina swaki ai sâks!

Jasua 2:16

Rahab witin nani ra win: —Man nani il nani tilara plaps, bara baha nani mai pliki tauki sip mai sâkbia apia. Yu yumhpa bahara yukuwi bas, witin nani mai pliki si kli tawan ra tawi bal dimbia ba kat. Baha ningkara man nani taki mahka yabalkam ra impaks.

Jasua 2:18

Sakuna yang nani tasbayam ra bal dimamna ba ra, man naha kiwka pauni na wal yang nani windarku ai lahbram kiwka na, windarka ba ra ban pami swiaia sma. Bara wamtla na bilara papikam, mamikam, muihkam, lamkra nani, papikam taika nani sut aikuki dimi nâra bas.

Wihta Nani 1:25

Waitna ba witin nani ra marikan nahki tawan ra dimaia sip ba yabalka; bara witin nani dimi tawan bilara iwi kan uplika nani ba sut sord ni sabi ikan. Sakuna baha waitnika witin nani ra yabal marikan ba lika watla bîla uplika sut aikuki ikras swin.