Jasua 6:17 - DAWAN BÎLA AISKA

¹⁷ Bamna tawanka ba, bilara diara nani bâra ba, sut pali ba aiska sauhki tikaia sma, kan Dawan adarka ba baku win. Rahab rug mairin ba, baha ai watla bîla uplika nani bâra ba baha nani baman raya ban swima; witin nani ba ikpara, kan tawan tânka pliki kaikaia blikan waitnika nani rayaka ba, witin mita yukuki swaki sakan bamna.

Jasua 6:17 ပူးပေါင်းရင်းမြစ်များ

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Esdras 10:8

Tawan tâ bri bara lâ smalki uplika nani lâ daukan ba baku lâ daukbia: yu yumhpa bilara asla takras uplika nani ba, ai tasbaya bri raitka ba lus tiwbia, baha purkara sin alba lâka wina kli balan uplika nani ba, kangbi sakan kabia.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Isikiel 39:17

Dawan bui ai win: “Wis piawira nani sut ra, bara daiwan wail nani sut ra sin, plis kir wina asla takbia bara Israel ilka bîla ra balbia, sakripais witin nani dukiara daukuna ra. Sip kabia wîna piaia bara tala diaia;

Libait Lâka 27:21

Baha wina 50 mani alkbia ba ra, tasbaya ba Dawan dukia yabia, bara prîs ba baha bri kaiki kabia.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Galesha 3:12

Bamna Moses lâka ba lika kasak lukan lâka tânka apia sa, kuna dîa aisi ba wals: “Ya naha diara nani na sut daukisa kaka, witin baha dukia nani ba mita raya kabia.”

Kli Smalkanka 20:17

Ban sakuna, Dawan dukiara sakripais kum baku sauhki tiks hitita nani, amorreo nani, Kenan uplika nani, ferezeo nani, heveo nani bara Jebús uplika nani sut, dîa mai win ba kat daukma,

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Jems 2:25

Rug mairin Rahab ra sin baku takan. Gâd mita witin ra kasakkira baku kulkan, witin daukanka ba tâka mita, kan sturi brin uplika nani ba ai watla ra yukuki brin, ningkara yabal walak sakan wan.

Jasua 2:1

Sitim wina Jasua bui waitna wâl saki Jeriko ra blikan, tawanka tânka ba pliki kaikaia. Baha waitnika nani ra witin naku win: “Man nani Jeriko tawanka tara ba ra was bara witin nani ba tânka pliki laki kaiki bal wan wima.’’ Witin nani wan, bara tihmia kum tawanka ba ra luaia dukiara rug mairin kum nina Rahab wi ba watla ra takaskan.

Jasua 2:22

Blikan waitnika wâl ba wih yu yumhpa il nani tilara yukuwi kan ai pânika wal. Suldiar nani lika waitnika wâl ba alkaia pliki, kuntri kir taukan yu yumhpa. Sakuna sakras kan ba ra, witin nani kli Jeriko tawanka ra tawi balan.

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’

1 Samuil 15:6

bara quenita nani ra win: —¡Tnaya ra taws! ¡Amalec uplika nani tila wina taks, man nani sin witin nani tilara aikuki mai sauhki tikaia, yang brinki apia; kan Israel luhpia nani Idsip wina balan piua, man nani sika witin nani ra yamni munram ba mita! Bara quenita nani sut Amalec uplika nani tila wina tnaya ra tawan.