Jasua 5:9 - DAWAN BÎLA AISKA

⁹ Baha daukan ba ningkara Dawan kli Jasua ra win: “Naha Aisa sainka mangkri na wal, Idsip uplika nani wina swira lâka briram ba sakisna.” Naha daukanka tâka ba mita, baha tasbaya ba naiwa kat ban nina Guilgal mâkisa.

Jasua 5:9 ပူးပေါင်းရင်းမြစ်များ

Blasi Sturka 34:14

bara witin nani bui witin ra win: —Yang nani laikra ba, waitna kum ai wîna ra Aisa sainka ba klaki mangkras waitnika ba ra sip yabras. Aisa sainka ai wîna ra mangkras waitnika kum, yang nani tili wina mairin briaia ba lika wan swira lâka tara kum sa.

2 Samuil 19:15

Bamna king ba mahka impakan kli tawi balaia, bara Jordan awala kat wan. Juda uplika nani ai mapara Guilgal kat wan, bahara aikuki prawaia, bara hilp munaia Jordan awala ba luaia.

Nihimaya 12:29

Guilgal watla uplika nani wina, Gueba pliska nani wina bara Azmávet wina sin asla takan, kan aiwawanra nani ba Jerusalem lama kir iwi banhwi kata.

Lawana Nani 119:39

Yang ra saura ai munaia luki sibrin ai dauki ba, wina dakbi ai sâks, kan man lâ nani aisi daukram ba yamni sa bamna.

Jirimaya 9:25

Dawan kasak aisisa: “Yua ba aula baha uplika nani, ai wîna ra Aisa sainka dauki ba sut klala yabaisna:

Isikiel 23:3

Tiara wina, naha mairka wâl na ur takaia warkka ra diman; Idsip ra yaban ai tialka ba taibi swapni daukan bara sunu kan lâka ba tikan.

Isikiel 23:8

Idsip ra kan wina rug mairin takan, bara sip swiras kan ai natka ba. Tiara kan wina ailal pali, witin wal prawan bara sunu kan lâka ba tikan.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Libait Lâka 24:14

“Yang ra saura ai win waitnika ba kiamp wina sâks, bara ya baha sturka walan nani ba sut ai mihta waitnika lal purara kahbia bara tawan uplika nani sut bal walpa ni sabi ikbia.

Emus 5:5

Man nani Betel ra wapara, Guilgal ra sin apia, Beerseba bâk sin lui wapara, kan Guilgal uplika nani ba priski tasba wala ra brih wabia, bara Betel tawanka ba slingban kabia.’’

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

Jasua 4:19

Israel luhpia nani ba Jordan wina takan kati pas lapta yua matawalsip ba ra, Jordan awala ba lui Guilgal Jeriko lama kat ai tintka watla bapan.

Jasua 5:8

Waitna nani ba sut Aisa sainka ba mangkan kan, bara witin nani sut utla ra takaski sâp bâra kan insauhkanka ba pain takan ba kat.

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.

1 Samuil 7:16

Mani bani witin taki wi kan Betel ra, Guilgal ra, Mispá ra sin, bara upla nani lâka dauki kan.