Jasua 3:11 - DAWAN BÎLA AISKA

¹¹ Man nani kaiki bas, tasba aiska Dawanka upla wal lâ daukan lâka auhbaika watla ba pas man nani tâura Jordan lubia.

Jasua 3:11 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Job 41:11

¿Yamna ai mawanra bubia, bara diara munras swak takbia? ¡Upla kumi sin âpu sa tasba aiska ra!

Lawana Nani 24:1

Tasba aiska na Dawan tasbaya sa, diara bilara bâra ba sin; tasba ra diara nani ai rayaka bri ba sin sut.

Lawana Nani 97:5

Dus nani unta biara ra pâwi ba, blas baku slilwisa Dawan mawanra tasba aiska dawanka ba mawanra.

Aiseya 3:12

Upliki nani, tataibra ba wahma lupia kum sa; mairin nani wihta tara aimakan sa. Man nani upliki nani, tâm bri nani ba mita kunin mai munisa, yabal wala bâk mai bri auya.

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Sakaraya 4:14

Bara witin kli ai win: “Baha nani wâl ba sika, bâk saki ridi daukan sa, Dawan warkka daukaia tasba aiska ra.”

Sakaraya 6:5

Insal ba pana ai win: “Baha nani sika pâsa walhwal, Dawan mawan wina taki tasba aiska ra auya ba.

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”