Jasua 24:33 - DAWAN BÎLA AISKA

³³ Eleazar Eran luhpia ba pruan ba ra, bikan ai luhpia Finees ilka ra, baha sika Efraín ilka nani ra yabata ba.

Jasua 24:33 ပူးပေါင်းရင်းမြစ်များ

2 Samuil 20:21

Baha dukiara daukras, sakuna waitna kum, Efraín ilka nani ba wina, nina Sebá, witin war aiklabaia dukia nani king Debit mapara bukan. Man nani bui witin ba baman mihti ra mangks, bara yang tawankam na wina mahka wamna. Mairin ba bila Joab ra win: —Waitnika lal ba, kutbanka na pura wina yang nani bui man ra batakamna.

1 King Nani 4:8

Naha sika baha wihta nani lalka 12 kan ba: Ben-hur, Efraín ilka nani ra;

2 King Nani 5:22

—Apia, diara âpu —Guehazí bila—. Ban sakuna dawanki ba bui man ra ai blikan mai wiaia, bisiura pali prapit wahma wâl wan Efraín ilka ba wina, bara mamkabisa silbar mâ 3,000 bara prâk raya sin wâl blîkma.

Esdras 7:5

Abisúa, Finees, Eleazar bara Eran, prîs pas pali takan ba.

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Lawana Nani 49:10

Kan yawan kaikisa upla sut ba pruaia sa, sinskira nani bara sinskas nani ba sin pruisa; bara ai yuyaka ba upla wala nani brisa.

Impakan Sturka 6:23

Eran lika Aminadab luhpia mairin Elisabet wal marit takan, baha sin Nahasón lakrika mairin kata, wal ai luhpia nani baikan ba: Nadab, Abihú, Eleazar bara Itamar.

Impakan Sturka 6:25

Eran luhpia nani kumika Eleazar, witin lika Futiel luhpia mairin nani kum wal ai maya takan bara Finees baikan. Baha nani ba Libait nani watla bîla wihtka nani kata, ai taya nani tilara.

Sakaraya 1:5

¿Sakuna nanara damikam nani kata ba anira sa? Witin nani prapit nani ba sut pat pruan sa, ¿ban apia?

Kulki Kaikanka 3:32

Bara prîs Eran luhpia, Eleazar lika, Libait nani sut wihtka aimaki kan baha watla ra.

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Hibru Nani 7:24

Sakuna Jisas lika pruras raya ban sa, bara witin prîs warkka dauki ba upla wala ra laki yabras sa.

Jasua 14:1

Naha sika Kenan tasbaya nani Israel luhpia nani ai tasbaya baku brin ba, prîs Eleazar ra yan ba baku, Jasua ra bara Israel masraka nani lalka nani ba.

Jasua 22:13

Finees prîs Eleazar luhpia ba kainara blikan wan, Galaad ra wabia dukiara, bahara sika Ruben bara Gad bara Manasés kiamka nani bakriki iwi kan ba.

Wihta Nani 17:8

Baha wahmika Betlehem wina taki tawan wala kum ra iwaia pliki watauki kan, bara ban Efraín ilka nani tilara sin wapi watauki si Micaías watla ra wan.

Wihta Nani 18:13

Ai kiampka bapan ba wina, witin nani Efraín ilka tawanka nani ra wan, bara Micaías watla kat wan.

1 Samuil 1:1

Efraín ilka nani tilara tawan kumi bâra kan nina Ramá; bahara waitna kumi iwi kan, witin Suf taika wina kan, ai nina Elcaná. Witin ai aisika ba Jeroham kan, ai damika Elihú, bara ai damika papika ba Tohu, Suf luhpia kata, Efraín kiamka tila wina.

1 Samuil 9:4

Saúl taki wan, Efraín ilka biara kir taukan bara Salisá tasbaya bâk luan; sakuna biriku mairin nani ba sakras kan. Saalim bara Benjamín tasbaya sut taukan, bahara sin sakras kan.