Jasua 24:25 - DAWAN BÎLA AISKA

²⁵ Baha yua wina, bahara Siquem ra, Jasua lâ kumi daukan upla nani wal, bara lâ nani yan, lâ tara wala nani sin,

Jasua 24:25 ပူးပေါင်းရင်းမြစ်များ

Blasi Sturka 35:4

Bara witin nani gâd bahki nani bri kan ba sut, Jekob ra yaban, ai kiama lula nani sin; bara Jekob baha dukia nani ba sut brin, bara Siquem lamara usupum playa ra tasba ra biki swin.

2 King Nani 11:17

Baha ningkara Joiadá lâ kum daukan Dawan, king bara upla nani ba kat, bara witin nani ba Dawan uplika nani ai wîna ba kulkan, king bara upla nani ba tila kat sin baku ai wîna ba kulki banhwan.

2 Kronikas 15:12

Baha ningkara pramis taki banhwan, kulkanka tara pali wal, ai kupia aiska wal Dawan ba plikaia, ai almukka nani Gâdka ba.

2 Kronikas 15:15

Juda aiska lilia takan, upla nani ai kupia aiska ni Dawan ra swer takan bamna, ai lukanka aiska kira Dawan ra plikan bamna, bara witin sin param takan bara kupia kumi lâka yan, ai lamara iwi tawanka nani ba wal.

2 Kronikas 23:16

Baha ningkara, Joiadá tawan uplika wal aisi kaiki pramis kum daukan, king wal sin, witin nani ba Dawan uplika nani takan.

2 Kronikas 29:10

Baku bamna, yang Dawan wal lâ kum plikisna, witinka Israel Gâdka ba, ai lawanka ba wan tila wina sakaia lâka.

Nihimaya 9:38

Bamna baha sut takan ba tâka mita, yang nani ulbi kasak pramis takisna, bara wauhkataya ba ra yang nani wihtki nani, Libait nani, prîs nani ai nina ulbi sîl prakan.

Impakan Sturka 15:25

Moses bui Dawan ra ai pura sunan, bara Dawan mita witin ra dus sirpi nani pâwi ba kum marikan. Bara Moses baha dusa brih bara laya ba ra lulkan, bara laya ba damni takan. Bahara Dawan bui witin nani ai tânka ba trai munan. Witin nani dukiara lâ kum mangki yaban wan ai rayaka ra nahki iwaia lâka ba.

Impakan Sturka 24:3

Moses kli tawi wan bara upla nani ra wih diara nani sut witin daukaia Dawan mita win yaba aisi win. Bara upla nani sut ai bîla baikra kumi ni pana aisin: —¡Diara sut Dawan aisin ba, yang nani daukamna!

Kli Smalkanka 29:1

Naha lâka nani na sika Dawan mita Moses ra kli yaban kan Moab tasbaya ra, Israel luhpia nani ra smalkaia. Baha daukaia lâka na Horeb ilka ra pat witin nani wal aisin kan.

Jasua 24:1

Jasua Siquem tawanka ra asla takan Israel kiamka nani sut wal. Almuk nani, wihta nani, lâ dadaukra nani, wihta tara nani sut paiwan Dawan mawanra,

Jasua 24:26

bamna Dawan Gâd wauhkataya ra lâ nani ba sut ulban. Ningkara walpa tara kum brin bara usupum dusa munhtara mangkan, bahara sika Dawan holikira ba pliska bâra kata ba.