Jasua 24:24 - DAWAN BÎLA AISKA

²⁴ Bara upla nani pana aisi, win: —Yang nani Dawan wan Gâdka dukia dauki banhwamni, bara dîa witin wan wibia ba dauki banhwi kamna.

Jasua 24:24 ပူးပေါင်းရင်းမြစ်များ

2 Kronikas 15:14

Swer taki banhwan ai Dawanka ra ai bîla tara wini, ai lilia tara ba wal, trumpit binka dauki bara aringka puhbi kira.

Impakan Sturka 19:8

Bara Israel luhpia nani sut, ai bîla baikra kumi pana aisi, win: —Diara nani sut Dawan mai win ba baha kat, yang nani daukamni. Bara Israel luhpia nani pana aisin ba Moses bui Dawan mawanra brih wan,

Impakan Sturka 24:3

Moses kli tawi wan bara upla nani ra wih diara nani sut witin daukaia Dawan mita win yaba aisi win. Bara upla nani sut ai bîla baikra kumi ni pana aisin: —¡Diara sut Dawan aisin ba, yang nani daukamna!

Impakan Sturka 24:7

Ningkara wal lâ daukan wauhkataya ba brin, bara upla nani ra aisi kaiki yaban, bara witin nani sut naku win: —Dawan win ba sut aiska daukaia mata, yang nani lukanki aiska bahara kat mangki brimni.

Jirimaya 42:6

Dawan pana aisabia ba yang nani kupi lâka kabia, apia kra kabia sin, yang nani Dawan Gâdki bîla walamni, witin ra puram sunaia yang nani makabisna, baku yang nani ra diara sut yamni kaia dukiara.