Jasua 22:33 - DAWAN BÎLA AISKA

³³ pana aisinka bîla ba pain kaikan, bara Dawan ra mayuni banhwata. Baha pali piua wina, kli Ruben bara Gad kiamka mapara aiklabaia ba swin, baku sin ai tasbaya nani ba sauhki tikaia apia.

Jasua 22:33 ပူးပေါင်းရင်းမြစ်များ

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

Sins Lâka 25:25

Diran dauki uplika kârma ra lî kauhla pain ba baku sa, sturi yamni laih kuntri wala wina aula ba.

Daniel 2:19

Baha tihmika diara aihka kaikan ra bal sinska lâka tara tânka ba Daniel ra param marikan; baha tânka brin ba ra, Daniel bui kasbrika purara ba Gâdka ra yamni pali win,

Luk 2:28

Simian mita tukta lupia ba ai klahkla ra buki bri, Gâd ra mayuni, naku wisata:

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 15:31

Wan muihni nani baha aisi kaikan ba ra, lilia pali taki banhwan, baha maisa nihkra witin nani ra yabi ba dukiara.

2 Korint 7:7

bara witin balan ba baman apia, kuna man nani mita kasak tâ baikram ba Taitus wan win, nahki man nani brin mai daukisa wan kaikaia, bara sin wan win man nani sarkam lâka, bara yang dukira man kupiam trabil brisma ba; bara baha mita uya pali lilia ai daukan.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Jasua 22:30

Bara prîs Finees ba, tawan tâ upla nani bara masraka lalka nani aikuki, bara Ruben, Gad bara Manasés kiamka bakriki ba walan ba ra, baha ba pain kata.

Jasua 22:32

Naha ningkara, Finees bara wala nani witin wal auya kan ba sin, witin nani uplika nani ba ra lakula dauki si, witin nani kli Galaad tasbaya ra Kenan ra tawi wan, Israel luhpia nani bâra kan ba pliska ra. Bara Kenan ra banhwi kan uplika nani ra masraka wala nani bui dîa win ba witin nani bui win taim,