Jasua 22:28 - DAWAN BÎLA AISKA

²⁸ Yawan luki kaikisa upla kum wan wibia kaka, baha ba yang nani ra, apia kaka wan kiamka ra, yawan wibia: ‘Man nani kaiks, wan almukka nani ba naha Dawan altarka na paskan daiwan aiska angkaia sakripaiska daukaia baman apia, sakuna witnis yamni man nani tilamra kaia bara yang nani tilira sin.’

Jasua 22:28 ပူးပေါင်းရင်းမြစ်များ

Blasi Sturka 31:48

Bara Labán witin ra naku win: —Naiwa wina naha walpaya paskanka na, yawan wal lâ daukan na witniska kabia. Baha mita pliska nina ba Galaad mâkan;

2 King Nani 16:10

Baha ningkara king Ahaz ba Damaskus ra Asiria kingka Tiglat-piléser wal prawaia wan, bara kaikan daiwan iki angkaia altarka bâra kan ba. Bamna prîs Urías ra altarka nahki paskan ba patrangka kum blikan,

Impakan Sturka 25:40

bara aman pali damra wali wark ba dauks, il ra yang pat mai wîri baha yarika yahpika diara wala nani ba sin sut nahki daukaia sma ba.

Aiseya 19:19

Baha yua ra Idsip tasbaya lila kat Dawan dukia altar kum daukbia, kuntri tasbaya piarkika ba kat walpa tara kum paskbia Dawan ra pain kulkan lâka yabaia.

Hibru Nani 8:5

Witin nani prîs warkka dauki nani ba lika, kasbrika purara ba lilka, patrangka bara natka ra baman daukisa. Yawan kaiki nani ba lilka nani, kan Moses ba tint watla paski kan ba ra, Gâd wisata: “Pain kaiki, il ra lilka mai marikatna ba natka kat dauks.”

Jasua 22:27

sakuna man nani wihki yang nani wal wan lilapas ra witnis kum kaia, bara yawan wan kiamka nani tilara sin baku kabia. Bara baku yawan bui Dawan mawanra aiska angkaia, wan saurka ban swih tikaia, kli wal uplika takaia sakripaiska nani dauki kaia. Bara baku man nani kiamkam yang nani kiamki ra sip wibia apia: ‘Man nani lika Dawan wal diara daukaia âpu sma.’

Jasua 22:29

Gâd bui wankka ai mapara bubiara, apia kaka lulki swiaia, altar wala mâki sakripais daukaia, apia kaka sakripais apia nani ba daukaia, Dawan wan Gâdka altarka sakripais daukaia ba holikira pliska ba wina sait ra.

Jasua 24:27

Bara upla sut ra win: —Naha walpaya na wan witniska kabia, Dawan diara sut wan mata daukan ba dukiara witnis kabia. Man nani mampara witnis kum kabia, Gâdkam wal kuninkira nani kama apia dukiara.