Jasua 22:27 - DAWAN BÎLA AISKA

²⁷ sakuna man nani wihki yang nani wal wan lilapas ra witnis kum kaia, bara yawan wan kiamka nani tilara sin baku kabia. Bara baku yawan bui Dawan mawanra aiska angkaia, wan saurka ban swih tikaia, kli wal uplika takaia sakripaiska nani dauki kaia. Bara baku man nani kiamkam yang nani kiamki ra sip wibia apia: ‘Man nani lika Dawan wal diara daukaia âpu sma.’

Jasua 22:27 ပူးပေါင်းရင်းမြစ်များ

Blasi Sturka 31:48

Bara Labán witin ra naku win: —Naiwa wina naha walpaya paskanka na, yawan wal lâ daukan na witniska kabia. Baha mita pliska nina ba Galaad mâkan;

Blasi Sturka 31:52

Yawan wal pana witnis aimaki kabia. Yang sin naha piarka lainka na lui wih man ra saura mai munaia apia, pana man sin naha piarka lainka lui balram na ai sauhkaia apia.

Lawana Nani 16:5

Dawan, man, yang mai brisni diara sut tani ra; man yamnikam nani ni ai banhkisma, yang rayaki ba man mihtam ra sa.

Aiseya 19:19

Baha yua ra Idsip tasbaya lila kat Dawan dukia altar kum daukbia, kuntri tasbaya piarkika ba kat walpa tara kum paskbia Dawan ra pain kulkan lâka yabaia.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Jasua 22:10

Ruben bara Gad kiamka nani bara Manasés kiamka nani ba sin, Kena tasbaya ra Jordan awala muna tani ra balan ba ra, witin nani bahara altar tara kum paskan.

Jasua 22:26

Ba mita yang nani altar kum paskaia luki banhri, Dawan ra sakripaiska angki yaia dukiara apia, sakripais wala daukaia dukiara sin apia,

Jasua 22:28

Yawan luki kaikisa upla kum wan wibia kaka, baha ba yang nani ra, apia kaka wan kiamka ra, yawan wibia: ‘Man nani kaiks, wan almukka nani ba naha Dawan altarka na paskan daiwan aiska angkaia sakripaiska daukaia baman apia, sakuna witnis yamni man nani tilamra kaia bara yang nani tilira sin.’

Jasua 22:34

Ruben bara Gad kiamka nani ba altar kum paski muni nina mangkan “Witnis”, bara win: “Naha altar na witnis kum kabia wan tilara Dawan ba Gâd sa.”

Jasua 24:27

Bara upla sut ra win: —Naha walpaya na wan witniska kabia, Dawan diara sut wan mata daukan ba dukiara witnis kabia. Man nani mampara witnis kum kabia, Gâdkam wal kuninkira nani kama apia dukiara.

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”