Jasua 20:9 - DAWAN BÎLA AISKA

⁹ Naha tawanka nani ra sika Israel luhpia nani sut, tringsar nani sin baha nani tilara iwi banhwi ba yukuwaika pliska daukan sa. Ya ya kabia, ai dara walras upla kum ikbia kaka, witin baha tawanka ra yukuwaia sip kabia. Baku natka ra pruan ba taika, apia kaka aslika nani bal pana muni, witin ba ikbia apia, tawan ba mita witin lâka ba kau daukras ba kainara.

Jasua 20:9 ပူးပေါင်းရင်းမြစ်များ

Kulki Kaikanka 35:13

Tawan nani yabia ba wina, matlalkahbi ba yukuwi swak takaia tawanka nani kabia:

Kulki Kaikanka 35:15

Baha tawanka matlalkahbi ba sika yukuwaia tawanka nani kabia, baha ba Israel luhpia nani dukiara, bara upla sât wala nani man nani tilamra iwi ba, apia kaka impapakra nani tilamra ba dukiara sin kabia. Baha tawanka ra yukuwi kabia, ya uplika upla ra ikaia lukanka âpu si ban upla ikan nani ba.

Jasua 20:4

Baha uplika swakwaia pliki ba, baha pliska nani kum ra wabia tawan dimaika kat, bara tawan almukka nani mawanra ai dahra param saki wibia. Bara witin nani ra yaka dimbia, bara plis kum yabia bahara iwaia.

Jasua 20:6

Bara yukuwi uplika ba yukuwaia tawanka ra ban bâra kaia sa, upla sut mawanra ai lâka daukbia kat. Bara ban bâra kabia prîs tara, baha yua nani wark dauki kata ba prubia ba kat. Baha ningkara witin kli ai pliska ra wabia.”

Jasua 20:8

Jordan baila wala wina, Jeriko lalma tani ra upla iwras tasbaya ra, Béser ba pliki saki brin, Ruben kiamka wina; Galaad tasba ra Ramot ba wahbi sakan, baha lika Gad kiamka dukia; bara Basán tasbaya ra Golán ba wahbi sakan, baha lika Manasés kiamka dukia.