Jasua 2:9 - DAWAN BÎLA AISKA

⁹ —Yang daira walisna Dawan mita naha tasbaya na pat man nani mihtam ra mangkan sa, witin mita upla nani na pat man nani sibrinkam dingkan sa. Man nani nâra balram na dukiara upla sut na pat sibrin bla pruisa.

Jasua 2:9 ပူးပေါင်းရင်းမြစ်များ

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

2 Samuil 17:10

bara uplikam nani kau tahplu ba, layan wal sin kau praut ba sut kupia klip dasbia; kan Israel aiska kaikisa papikam ai uplika nani ba aikuki, tahplu kupia karnikira sa.

2 King Nani 5:15

Bara Gâd prapitka ra tawi balan, witin bara ai uplika nani aikuki. Bara witin ai mawanra bal takaski win: —¡Nanara yang kaikisna tasba aiska ra Gâd wala âpu sa, sakuna Israel ra baman lika! Baku bamna, mamkabisna man diara kum prisantka brima man albikam na wina.

2 King Nani 7:6

Dawan mita Siria uplika nani ra sirang ikan plapan takaski kan ba pliska wina, wagin nani binka walan, aras nani mina binka sin, bara aiklaklabra nani daknika tara pali aula binka baku walan; bara Siria uplika nani lukan, Israel kingka ba hitita kingka nani ra bara Idsip kingka nani ra aibapan ai mapara aiklabaia balbia.

Nihimaya 6:16

Wan waihla nani ba baha walan ba ra, nisan wala nani wan lamara iwi kan nani ba sin tâ iwan yang nani dukira, prautka lâka ba sin mâyara iwan, kan ai dahra walan naha warkka na daukaia, yang nani Gâdki tâi baiki kan ba.

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Job 19:25

Yang kaikisni tâiwan aisaia uplika ba raya sa, bara witin sika naha tasba ra tâiwan aisasara kabia ba.

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Lawana Nani 115:16

Kasbrika pura ba, Dawan dukia sa; bara tasbaya ba upla ra yaban.

Impakan Sturka 18:11

kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.

Impakan Sturka 23:27

“Yang daukamna sibrin lâka tara kârma kalki inaia lâka nani, kupia kriwan lâka tara sin man nani kainamra ban wabia. Bara ani tasbaya bâk luisma ba ra, yang mita munamna waihlam nani sut man nani kainamra plapi kabia.

Smasmalkra 8:12

¡Baku takisa, ya saura dauki bara kau ban dauki auya ba sin, mani ailal raya sa! (Kan yang daira walisna ba lika, ya Gâd ra kulki ba, bara mayunra yabi ba yamni auya sa;

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 23:5

Naha sturka Idsip uplika nani ra walbia ba ra, Tiro sturka ba dukiara sari bribia.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

Kulki Kaikanka 20:14

Cadés ba wina, Moses maisa papakra nani blikan Edom kingka ra wiaia: “Man muihkam Israel luhpia nani, man ra ai bîla bliki mai wisa: ‘Man kaikisma nahki pât nani ailal yang nani maipara takan ba.

Kulki Kaikanka 20:24

“Eran ba prubia, Israel luhpia nani ra tasba yaia wîri ba ra dimbia apia, kan Meribá laya kârma lamara man nani bîli lulkram.

Matiu 20:15

¿Yang lalahki ba wal dîa want sna ba kat daukaia sip apia sna ki? ¿Apia kaka, yang kupi pain ba mita man tumisma ki?’

Kli Smalkanka 11:25

Upla kumi sin mampara bubia apia. Sibrin bara ai sringka mai bribia tasbaya sut ra luma ba ra, Dawan Gâdkam pramis mai munan baku, witin tâm bribia.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Kli Smalkanka 28:10

Bara baku tasba aiska ba kaikbia Dawan ra wan pura sunaia lâka ba man nani ra maikan sa, bara witin nani lika man nani ra sibri kabia.

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 2:8

Waitna nani utla bahna ra sunan kan ba sin kau yapras, Rahab utla bahna ra uli wan bara witin nani ra win:

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Jasua 6:2

Sakuna Dawan Jasua ra win: “Jeriko tawanka kingka bara suldiarka nani ba sin sut, man mihtam ra mangkri sa.

Jasua 9:10

bara amorreo nani kingka wâl Jordan awala baila wala ra iwi kan, baha nani ra dîa munan ba sin, wibia sa kaka, king Sihón, Hesbón wina ba, king Og, Basán wina ba, witin Astarot tawanka ra iwi kan.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.

Jasua 9:9

Witin nani pana Jasua ra win: —Yang nani laih pali wina aulma, man nani Dawan Gâdkam sturka nani ba walri tâka. Witin Idsip ra dîa daukan ba yang nani baha sut walri,

Wihta Nani 7:14

Bara suldiar wala ba pana win: —Baha lika diara wala apia, Israel wina Gedeón, Joás luhpia waitna ba, sordka yaprika sauhkanka man kaikram. Madián uplika nani kiamka ba sut Dawan bui Gedeón mihta ra mangkuya ba tânka mamrikan.