Jasua 2:6 - DAWAN BÎLA AISKA

⁶ Sakuna kasak pali aisaia kaka, waitna nani ba witin mita utla bahna ra suni linin kiaubi wilkanka nani bâra kan ba tilara swin yukuwi banhwi kan.

Jasua 2:6 ပူးပေါင်းရင်းမြစ်များ

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

2 Samuil 17:19

Bara baha waitnika maya mairin ba, liwanhta ba purak diara palkan bara baha purara plawar taya sakan nani ba yakaban. Naha tânka na upla wala lika briras kata.

1 King Nani 18:13

¿Dîa daukri ba dukiara kau man ra mai wiras sa ki, Dawan prapitka nani Jezabel bui iki kan piua ra? Yang mita 100 kumi yukukri, tasba unta wâl ra, bara brit lî wal dakaki kapri.

1 King Nani 18:4

kan Jezabel bui Dawan prapitka nani ra iki tiki kata baha piua ra, Abdías bui prapit 100 brih, dakni wâl ra baiki saki, tasba unta ra yukuki bahara brit lî wal dakaki kan.

2 King Nani 11:2

Sakuna Joseba, king Joram luhpia mairin bara Ocozías lakrika ba mita Joás Ocozías luhpia waitna ba brin, bara king luhpia nani iki tiki kan ba tila wina tnaya ra laki, Atalía nakra wina yukukan, witinka bara ai mainka kakaira mairka ba wal, yapaia rumka kum ra. Baku natka ra ikras swakwan,

Impakan Sturka 2:2

Bara mairin ba kwihra tiwan, ai luhpia waitna kum baikan, witin kaikan bibi ba painkira kan, bamna kati yumhpa yukuki brin ai watla ra.

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Matiu 24:17

Ya baha yua ra ai watla bahna ra kaka, bal iwi baha bîla wina diara sâkbiara;

Kli Smalkanka 22:8

“Upla kum kra utla raya kum paskaisa kaka, barandika mawan ba kutbi lakbia, baku lika sip sa tamya ba pâtkas kaia upla kum baha kauhi prubia kaka.

Kolosi 3:3

Kan man nani lika pruram, bara nanara rayakam ba Kraist wal Gâd ra yukukan sa.

Hibru Nani 11:23

Kasak lukan lâka mita, Moses ba aisubi takan ba ra, aisika nani mita kati yumhpa yukuki bri kan. Witin nani kaikan baha ba tukta painkira lupia kan, bara king adarka ba bîla lulkaia sibrin lukras kata.

Jems 2:25

Rug mairin Rahab ra sin baku takan. Gâd mita witin ra kasakkira baku kulkan, witin daukanka ba tâka mita, kan sturi brin uplika nani ba ai watla ra yukuki brin, ningkara yabal walak sakan wan.

Jasua 2:5

Yu dimaia ra kau tawan getka ba prakras kan ba kainara, witin nani pat tawan wina taki wan, bara anira wan sapa yang sin baha tânka briras. Sakuna man nani nanara nina bliki waia sip sma, witin nani ba alkaia.

Jasua 2:7

King suldiar nani ba waitna nani ba nina bliki, Jordan awala puswi luaika nani ba kat wan. Witin nani nan taki wan ba ra, tawan getka ba sin prakan kan.

Jasua 2:8

Waitna nani utla bahna ra sunan kan ba sin kau yapras, Rahab utla bahna ra uli wan bara witin nani ra win:

Jasua 6:25

Sakuna Jasua bui Rahab taika nani baman lika ikras swin, kan witin Jeriko tawanka ba tânka pliki kaikaia waitna wâl blikan kan ba, mairka ba mita ai watla ra yukuki brin bamna. Baha piua wina Rahab bara ai kiamka nani ba sin Israel luhpia nani aikuki ai tilara iwan.