Jasua 2:18 - DAWAN BÎLA AISKA

¹⁸ Sakuna yang nani tasbayam ra bal dimamna ba ra, man naha kiwka pauni na wal yang nani windarku ai lahbram kiwka na, windarka ba ra ban pami swiaia sma. Bara wamtla na bilara papikam, mamikam, muihkam, lamkra nani, papikam taika nani sut aikuki dimi nâra bas.

Jasua 2:18 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 7:1

Baha ningkara Dawan Noa ra win: “Man, wamtla bîla uplika nani sut ark watla ra dims, kan naha piua uplika nani tilara, man baman kasakkira mai kaikisni.

Ester 8:6

¿Kan nahki muni pât saura yang upliki nani purara aula ba kaikras baku kamna, nahki muni kiamki nani sut sauhki tikaia ba kaikras baku kamna?

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Yamni Kulki Lawana 4:3

Unam nani ba pauni pali sa, trit awa pauni painkira nani baku sa, sturi aisisma ba sin, painkira sa walaia. Mamwan painkira tnaya wâl ba lika, dus mâ pâwan wâl painkira pali mamwan prakaika brisma ba tila kat, yukuki swin ba baku sa.

Libait Lâka 14:4

uplika ba klin takaia prisantka tnawira klin wâl, yalam dusa pîs kum, kwala pauni bara hisop sin brih balbia.

Kulki Kaikanka 19:6

Baha ningkara prîs ba yalam dusa kum bribia bara hisop dusa tnawa luhpia sin kum bribia, bara kwala pauni pîs kumi sin. Bara baha sut asla kuki bîp mairin wîna ami ba, pauta klauhan ra baha sin angkbia.

Kulki Kaikanka 4:8

Bara baha sut purara kwala pauni palkan kabia, kli baha purara prakan kabia, daiwan taya ni palkaia daukan ba ni, bara twilkaia dusa nani sin untika ra dingkbia.

Luk 19:9

Jisas bila: —Naiwa naha watla ra swaki sakan lâka ba balan sa, naha waitna na sin Ebraham kiamka sa bamna.

Apastil Nani Sturka 10:27

Witin wal ban aisi utla ra diman ba ra, kaikan upla ailal bahara asla takan kan.

Apastil Nani Sturka 10:33

Baha mita mahka blikri man mai plikaia, bamna man aitani pali balram. Nanara yang nani sut nahara banhwisni Gâd mawanra, man ra Dawan mita dîa maikka aisama ba walaia.

Apastil Nani Sturka 11:14

bara witin mita mai wibia nahki sip kama swaki mai sakan kaia, man bara wamtla uplika aiska.’

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

Hibru Nani 9:19

Moses mita lâ bîla wina lâ nani ba sut upla nani ra aisan; baha ningkara, witin ba sîp tâwa pauni bara hisop tnawa kum brih, bîp lupia nani bara guts lupia nani tâlia ra yuki, lî sin mangki, lâ wauhkataya purara srikban, upla sut purara sin.

Jasua 2:21

Mairin ba pana win: —Yawan wal dîa lâ daukan ba kat kabia. Bamna lakula daukan, bara waitna nani ba mahka wan. Bara mairin ba ai windarka ra kiwa pauni ba wilki pami swin.

Jasua 6:23

Witin nani wan, Rahab watla ra diman, bara aisika, yaptika, muihnika, lakrika bara taika nani sin sut latara sakan, bara Israel luhpia nani tintka lata tani ra plis kum ra bri si swin.

Jasua 6:25

Sakuna Jasua bui Rahab taika nani baman lika ikras swin, kan witin Jeriko tawanka ba tânka pliki kaikaia waitna wâl blikan kan ba, mairka ba mita ai watla ra yukuki brin bamna. Baha piua wina Rahab bara ai kiamka nani ba sin Israel luhpia nani aikuki ai tilara iwan.