Jasua 2:11 - DAWAN BÎLA AISKA

¹¹ Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 2:11 ပူးပေါင်းရင်းမြစ်များ

1 King Nani 8:60

Baku ba ra nisan nani tasba ra iwi ba kaikbia Dawan ba Gâd sa, bara wala lika âpu sa.

2 King Nani 5:15

Bara Gâd prapitka ra tawi balan, witin bara ai uplika nani aikuki. Bara witin ai mawanra bal takaski win: —¡Nanara yang kaikisna tasba aiska ra Gâd wala âpu sa, sakuna Israel ra baman lika! Baku bamna, mamkabisna man diara kum prisantka brima man albikam na wina.

Nihimaya 6:16

Wan waihla nani ba baha walan ba ra, nisan wala nani wan lamara iwi kan nani ba sin tâ iwan yang nani dukira, prautka lâka ba sin mâyara iwan, kan ai dahra walan naha warkka na daukaia, yang nani Gâdki tâi baiki kan ba.

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Lawana Nani 102:15

Nisan nani bara tasba kingka nani sut, Dawan nina ba prana dauki kulkbia.

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Lawana Nani 58:7

Baku mika, witin nani ba lî iswi tiwi baku tiwbia, yabal ra twi nani upla mina ra taibi lui ba baku lâwbia.

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Impakan Sturka 15:14

Nisan nani naha tânka na ai dara walbia ba ra witin nani tatatwi kabia, filisteo nani ai nana dusa warbi lakbia, sarka lâka latwanka taibuya ba luki ba mita.

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Aiseya 13:7

Baha ra upla sut klahkla karnika âpu takbia, upla kupia bani ba sin dring swapbia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Kli Smalkanka 20:8

“Ba ningkara lalka nani ba kli aiklaklabra tâ bri nani ba ra wibia: ‘Upla kum kra kupia karna apia, sibri upla wala ra sibrin dingkisa kaka, ai watla ra wabia.’

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Jasua 14:8

Yang wal wan upla nani ba mita uplika nani yan sirang iwan, sakuna yang ban kasakki lukanka lâka ba wal Gâdki bara Dawanki ra briri.

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Jasua 7:5

Israel luhpia nani ra tawan getka lama ba wina munan plapan, bara nina bliki ban walpa tara nani ba tila kat wan. Bara il bîla ra iwaia ba kat wan ba ra, 36 waitna baku ikan. Baha baku takan tâka, Israel luhpia nani sut kupia kriwan bara kau aiklabaia karnika âpu takan.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.

Param Marikanka 6:16

bara il nani ra bara walpa nani ra sin, witin nani naku wi kan: “Yang nani purira kauhs, bara baha king iwaika ra iwi ba mawan wina wan yukuks, Sîp Luhpia mita lawanka tara yabaia ba wina sin.