Sakuna masraka kumi bani daknika ba kat, tasbaya ba yuaia sa. Dakni kau tara ra, tasba pîska kau tara yama, daknika bani dîa briaia kan praiska ba kat brin kabia, lat kulki kaiki.
Moses bui Israel luhpia nani ra win tasba ba ai tilara nahki yui briaia lâka ba: “Naha kuntrika na sika man nani mita yuaia sma, bara upla kiamka kumi bani nahki briaia ba kat yama, lat lulki kaiki. Naha tasbaya dukiara sika Dawan aisin, baha kiamka 9 pura bakriki ba ra yabia win ba,
Baku bamna tasbaya nani ba lat lulki kaiki yui yaban, kiamka nani 9 ba tilara. Bara kiamka wala nani tila Jordan baila wala muna tani ra iwi nani ba tilara sin, Dawan mita Moses ra adar yaban daukbia win ba baku daukan.
Libait nani ra tasba yaras kabia, kan witin nani lika prîs Dawan dukia daukaia lâka baman. Gad bara Ruben kiamka nani ra lika, bara Manasés kiamka bakriki ba, ai tasbaya nani pat brin Jordan lalma tani ra, baha sika Dawan napakanka Moses mita yan.”
Baha waitna nani tasbaya kir ba laki tânka kaikaia kan ba ridi takan mahka waia, bara Jasua mita adar yan: ‘‘Man nani was, tasbaya ba kir laki kaiks, bara tnata alkma ba ra kli tawi bal, bara yang nâra lat lulkamni Siló ra, Dawan mawanra.’’