Jasua 17:17 - DAWAN BÎLA AISKA

¹⁷ Bara Jasua bui Josep kiamka nani ra pana naku aisin, wiaia kaka, Efraín bara Manasés wal kiamka nani ra: —Man nani upla ailal sma bara karnika tara brisma, baku bamna tasba pîs baman maikaia apia,

Jasua 17:17 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Jasua 17:16

Bara witin nani ra win: —Kasak sa, naha ilka nani na sip wan alkras. Sakuna Kenan uplika nani twi ra iwi ba ayan waginka nani brisa, baku sin Bet-seán ra iwi nani ba bara Jezreel tawanka sirpi nani langnika ra iwi nani ba sin.

Jasua 17:18

sakuna baha il dus ailal bri ba sin brima, bara baha wina diara ailal sâkma. Kenan uplika nani dukiara lika, man nani bahara iwi ba wina sâkma, witin nani ba karna bara ayan waginka nani brisa kuna.

1 Samuil 1:1

Efraín ilka nani tilara tawan kumi bâra kan nina Ramá; bahara waitna kumi iwi kan, witin Suf taika wina kan, ai nina Elcaná. Witin ai aisika ba Jeroham kan, ai damika Elihú, bara ai damika papika ba Tohu, Suf luhpia kata, Efraín kiamka tila wina.