Jasua 15:7 - DAWAN BÎLA AISKA

⁷ ningkara Acor ilka biara bâk uli wata, Debir ra bara Guilgal tani bâk tawi balata Adumim mawanra, tingnika ba waupasa tani ra; baha ningkara piarkika ba En-semes ra tingni bâra bâk lui, En-roguel kat wi kata.

Jasua 15:7 ပူးပေါင်းရင်းမြစ်များ

2 Samuil 17:17

Janatan bara Ahimaas wal En-roguel ra wih yukuwi kan, tawan ra sip dimras kan bamna, bara wark tatakra mairin kum wih sturka ba witin nani ra win, baha walan ba wal witin nani mahka taki wan, Debit ra wih sturka ba wiaia.

1 King Nani 1:9

Bara baha yua nani ra, Adonías lika pata tara daukan, bara sîp nani, bîp nani bara daiwan batanira nani sut ikan Zohélet walpaya lamara, baha ba Roguel tingnika lamara sa. Bara paiwan ai muihni king luhpia nani ba, baku sin Juda waitnika nani, bara king albika nani ba sut sin paiwan.

Aiseya 65:10

Bara Sarón ilka bîla ba sîp daknika nani klarka daukbia, Acor twaya bîla ba sin bîp nani wakabi piaika watla kabia, yang upliki nani yang ra ai pliki nani ba bribia.

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Jasua 10:43

Ningkara Jasua Guilgal kiampka ra tawi balan Israel luhpia nani sut aikuki.

Jasua 15:15

Ningkara Debir ra iwi banhwi kata mapara wan, tâura tawanka ba nina Quiriat-séfer mâki kata ba.

Jasua 15:6

Bet-hoglá bâk uli wi, yahbra ba Bet-arabá ra luata, bara baha wina Bohan-Ben-rubén Walpaya ba kat;

Jasua 18:17

Ba wina yahbra bâk lui wih En-semes ra takisa, baha wina Guelilot kat wan, baha lika Adumim albangkika mawanra, bara mâya bâk Bohan Ben-rubén Walpaya kat wisa;

Jasua 4:19

Israel luhpia nani ba Jordan wina takan kati pas lapta yua matawalsip ba ra, Jordan awala ba lui Guilgal Jeriko lama kat ai tintka watla bapan.

Jasua 7:24

Baha wina witin nani kli kwala ba, silbarka ba, gul ni daukan dusa ba sut saki brin. Bara Acán, luhpia waitna nani ba, luhpia mairin nani sut, bîpka wainhka nani, birikuka nani, sîp nani, tintka watla, dukia wala nani bri kan ba sin sut saki brin.

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.