Debit luhpia nani Hebrón ra aisubi takan ba naha nani kata: Almukka ba Amnón, Ahinóam luhpia, Jezreel wina ba; ningka ba Daniel, Abigail luhpia, witin lika Carmel wina ba;
bara witinka na Jezreel ra kli balan ai insauhkanka nani ba rawaia, baha sika Ramot ra latwan brin kan ba, Hazael Siria kingka ba mapara war aiklabi. Bara Joram ba siknis pali kan bamna, Ocozías ba Jezreel ra wan kaikaia.
Baha wina, Hanún bara Zánoah ra iwi uplika nani aikuki, il bîla ra waia getka ba paskan. Durka nani sin paskan, prakaika dusa nani ba sin, bara tawan walpa kutbanka ba sin 1,500 pît kutban, ban tawan wina Tâski saki yakabaika getka ba kat.
Bara witin nani ra win: —Kasak sa, naha ilka nani na sip wan alkras. Sakuna Kenan uplika nani twi ra iwi ba ayan waginka nani brisa, baku sin Bet-seán ra iwi nani ba bara Jezreel tawanka sirpi nani langnika ra iwi nani ba sin.
