Jasua 15:11 - DAWAN BÎLA AISKA

¹¹ Baha wina Ecrón ilka witnika nani bâk lui Sicrón ra tawi wan ban Baalá ilka bâk lui Jabneel ra wan, bara baha wina ban Mediterráneo kabuka kat takaskan.

Jasua 15:11 ပူးပေါင်းရင်းမြစ်များ

2 King Nani 1:16

bara witin ra win: —Dawan ba naku wisa: ‘Ecrón gâdka Baal-zebub ra kainam kaikaia sturi twatwilkra nani blikram wan, Israel ra Dawan âpu kan baku, baha tâwan man sip buma apia krikrikam na wina, sakuna man pruma.’

2 King Nani 1:6

Witin nani bui pana win: —Kan yabal ra yang nani auna kan waitna kum takan bara wan win, yang nani kli tawi wamna king wan blikan ba ra, baku bamna wimna: ‘¿Israel ra Gâd âpu kan ki, man Ecrón gâdka Baal-zebub ra mangki kaikaia blikisma? Baha daukram bamna, krikrikam ba wina buma apia, sakuna pruaia kama.’

2 Kronikas 26:6

Ozías ba filisteo nani mapara buaia diara kum daukan baku munka plapaia, bara Gat, Jabnia bara Asdod ra kutbanka nani slingban, bara Asdod tasbaya ra tawan nani paskan filisteo nani tilara.

Kulki Kaikanka 34:6

“Muna tani piarkika ba bri si prakisa, Mediterráneo kabu auhika un ba kat.

Jasua 15:10

Baalá wina baila wala bâk tawi balata muna tani ra Seír ilka kat, bara Quesalón bâk luata, Jearim il yahbra tani tnaya ra. Ningkara Bet-semes kat bal iwaia dukiara bara Timná bâk luan.

Jasua 15:12

Bara lâs kulkan ba, Mediterráneo kabuka baila wala muna tani ba. Baha tasbaya ba sika Juda kiamka nani ai tasbaya brin, bara baha tasbaya ba witin nani ai tilara yui brin.

Jasua 15:45

Ecrón tawanka ba bara tawanka sirpi nani ba sut,

Jasua 15:9

Kli tawi balata, ilka ba wina, Neftóah laya kârma aubi ba kat. Ningkara Efrón tawanka nani ilka kat wan; ba wina Baalá bâk lui kata, baha sin Quiriat-jearim mâkisa.

Wihta Nani 1:18

Ban sakuna, Gaza, Ascalón bara Ecrón tawanka nani lika sip dakbi briras kan, tasbaya nani ai lamara ba sin apia.

1 Samuil 17:52

Bamna Israel waitnika nani bara Juda waitnika nani sin war winanka wini, nina bliki taki wan Gat dimaika kat, Ecrón dimaika kat sin. Filisteo suldiar nani pruan wîna tara ba Saaraim, Gat bara Ecrón yabalka ra prawi kan kaikan.

1 Samuil 5:10

Bara Gâd lâ auhbaia watla ba filisteo nani Ecrón ra brih wan. Sakuna lâ auhbaia watla ba brih wan ba ra, Ecrón uplika nani sin ini yahwan: “¡Israel Gâdka lâka auhbaia watla ba nâra bri balan sa wan iki tikaia dukiara!”

1 Samuil 5:8

Ba dukiara filisteo wihtka tara nani ba sut paiwan, witin nani wal aikuki asla takaia, bara makabi walan: —¿Yawan dîa daukaia sa, Israel Gâdka lâ auhbaika watla ba wal? Witin nani pana win: —Gat tawanka ra brih was. Bara lâ auhbaia watla ba filisteo nani bui Gat ra brih wan.

1 Samuil 7:14

Tawan nani sut Ecrón wina Gat kat filisteo nani mita Israel luhpia nani wina dakbi brin kan ba, Israel bui kli sut dakbi brin bara kli Israel luhpia nani tasbaya takan. Naku natka ra ai tasbaya nani sut filisteo nani karnika wina pri sakan, bara kupia kumi lâka amorreo nani Israel luhpia nani wal aikuki bri kan.