Sip kabia barli piaia Israel wina aiki nani ba, bara daiwan sakripais saurka lâka dukiara aiki nani ba, bara pâtkira ba tâwan aiki ba. Baku sin, dîa dîa Israel luhpia nani yang dukira bâk saki ba witin nani dukia sa.
Dawan Gâdkam mawanra luhpiam albikam nani aikuki lilia daukma, bara Libait uplika man nani tilamra iwi kabia ba aikuki sin, kan witin nani ba man nani tilamra tasbaya ba wina ai dukia briras bamna.
Libait nani ra tasba yaras kabia, kan witin nani lika prîs Dawan dukia daukaia lâka baman. Gad bara Ruben kiamka nani ra lika, bara Manasés kiamka bakriki ba, ai tasbaya nani pat brin Jordan lalma tani ra, baha sika Dawan napakanka Moses mita yan.”