Jasua 12:6 - DAWAN BÎLA AISKA

⁶ Moses bara Israel luhpia nani naha kingka nani ra sauhki tikan, bara Moses bui baha tasbaya nani ba Ruben kiamka ra bara Gad kiamka ra yan, bara Manasés kiamka bakriki ra sin yaban.

Jasua 12:6 ပူးပေါင်းရင်းမြစ်များ

1 King Nani 4:19

Urí luhpia Guéber ba lika Gad tasbaya ra, baha ba Sihón amorreo nani kingka tasbaya ra, bara Og, Basán kingka tasbaya ra. Baha sut purara baha tasbaya wihtka tara kum bâra kan.

Kulki Kaikanka 32:29

—Gad bara Ruben wal kiamka nani sut ba man nani wal Jordan baila wala ra lubia kaka, war aiklabaia dukia nani brih aiklabaia Dawan lâ mangkan ba kat, tasbaya uplika nani ba mapara aiklabi pura luma ba kat, man nani bui Galaad tasbaya ba witin nani ai tasbaya yabi banhma.

Kulki Kaikanka 32:32

Dawan aisin ba kat war aiklabaia dukia nani brih, Kenan tasbaya ra lui wamna, sakuna Jordan lalmika tasbaya ba wan tasbaya baku yang nani brimna.

Kulki Kaikanka 32:33

Bamna baku, Gad bara Ruben kiamka nani bara Manasés kiamka bakriki ba, Moses mita Sihón tasbaya ba, king amorreo tasbaya ba, bara Og tasbaya, Basán kingka tasba nani bri kan ba, tnaya kir twi nani ba sut yan.

Jasua 14:3

Pat kainara Moses mita tasba ba witin nani ra yan kan, Jordan baila wala ra Ruben bara Gad kiamka nani ra, bara Manasés kiamka bakriki ra, sakuna Libait nani ra lika tasba yaras.

Jasua 18:7

Libait nani ra tasba yaras kabia, kan witin nani lika prîs Dawan dukia daukaia lâka baman. Gad bara Ruben kiamka nani ra lika, bara Manasés kiamka bakriki ba, ai tasbaya nani pat brin Jordan lalma tani ra, baha sika Dawan napakanka Moses mita yan.”

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.