Jasua 12:1 - DAWAN BÎLA AISKA

¹ Naha kingka sika Israel luhpia nani mita sauhki tikan ba, bara Jordan awala lalma ra ba wina, tasbaya piarkika nani sut, Arnón awala ra, Hermón ilka kat, Jordan tasbaya pîska, lalma wina ilka bîla langnika ba sut.

Jasua 12:1 ပူးပေါင်းရင်းမြစ်များ

1 King Nani 4:19

Urí luhpia Guéber ba lika Gad tasbaya ra, baha ba Sihón amorreo nani kingka tasbaya ra, bara Og, Basán kingka tasbaya ra. Baha sut purara baha tasbaya wihtka tara kum bâra kan.

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 136:21

Witin sika tasba baha king nani ra yuan ba, ai latwanka lâka ba ban kaia ra ban sa bamna,

Lawana Nani 89:12

Man yahbra bara muna wal ba paskram; Tabor bara Hermón ilka nani ba, lilia aiwani ninam mayunisa.

Aiseya 16:2

Tnawira sirang iwi ai watla wina taki pâli ba baku, Moab luhpia mairin nani sin taki plapbia Arnón tingnika luaika ra.

Kulki Kaikanka 21:13

Baha wina impaki banhwan ba, Arnón awala yahbra tani baila wala ra takaski, ai watla mâki banhwan. Naha awalka na upla iwras tasbaya ra sa, baha lika amorreo nani tasbaya wina drawi ba, bara Moab uplika nani wihki amorreo nani tasbaya piarkika ba lamara.

Kulki Kaikanka 21:21

Israel luhpia nani ba Sihón ra ai bîla blikan, witin lika amorreo nani kingka ba, bara naku wibia win:

Kulki Kaikanka 21:24

Sakuna Israel luhpia nani ba witin nani wal aiklabi pura luan, bara tasbaya ba dakbi brin Arnón awalka ba wina Jaboc awalka ba kat, wibia kaka, Amón uplika tasbaya piarkika ba kat, baha nani ba ai kaina kahbaika pain bri kan.

Kulki Kaikanka 32:19

Yang nani Jordan baila wala ra kli tasba briaia lukamna apia. Yang nani, tasba pat brisna Jordan lalma tani ra.

Kulki Kaikanka 32:32

Dawan aisin ba kat war aiklabaia dukia nani brih, Kenan tasbaya ra lui wamna, sakuna Jordan lalmika tasbaya ba wan tasbaya baku yang nani brimna.

Kulki Kaikanka 32:33

Bamna baku, Gad bara Ruben kiamka nani bara Manasés kiamka bakriki ba, Moses mita Sihón tasbaya ba, king amorreo tasbaya ba, bara Og tasbaya, Basán kingka tasba nani bri kan ba, tnaya kir twi nani ba sut yan.

Kli Smalkanka 2:24

Baha ningkara, Dawan bui yang ra ai win: ‘¡Man nani kainamra was bara Arnón awala baila wala ra lus! Sihón amorreo ba, Hesbón kingka ba tasbaya sin yang bui man nani mihtam ra mangkaisna. Bamna tasbaya ra dims bara mapara aiklas.

Kli Smalkanka 2:32

“Sihón ai suliarka aikuki, Jahas kat bal takan wan mapara aiklabaia.

Kli Smalkanka 3:1

“Baha ningkara, yang nani yabal wala alkri bara Basán ra wapri. Sakuna Og, baha kuntrika kingka ba, ai suliarka aikuki Edrei kat balan yawan wal aiklabaia.

Kli Smalkanka 4:44

Naha smalkanka nani sika Moses bui Israel luhpia nani ra yaban ba,

Kli Smalkanka 4:46

witin nani Jordan lalma ra kan piua ra, Bet-peor mawan langnika ra, Sihón amorreo nani kingka tasbaya ra. Sihón lika Hesbón ra iwi kan, sakuna Moses bara Israel luhpia nani Idsip wina takan piua ra pura luan.

Kli Smalkanka 4:48

Witin nani tasbaya bîla yahpika ba Aroer kat kan, Arnón awalka pura kat, Sirión ilka ra, nina wala Hermón mâki ba,

Jasua 1:15

Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 11:17

Halac ilka wina, Seír tani ra bûi ba, ban Baal-gad kat, Líbano langni ba, Hermón ilka playa ra ba sut brin bara ikan, kingka nani bâra kan ba,

Jasua 11:3

ban Kenan uplika nani lalma tani ra bara muna tani ra tawanka nani ra, amorreo nani, hitita nani, ferezeo nani, Jebús uplika nani il nani tasbaya ra iwi ba, heveo nani, Hermón ilka ra, Mispá tasbaya aiska ra king nani sut bâra iwi nani ba ra baha nani wal ai bîla blikan.

Jasua 13:8

Ruben bara Gad kiamka nani ba bara Manasés kiamka bakriki Moses mita yan Jordan lalma tani tasbaya ba.

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

Wihta Nani 11:18

Baha wina, yang nani ban upla iwras tasbaya ra watauki kapri, bara Edom tasbaya nani lamak, Moab tasbaya nani lamak sin. Bara ban Moab tasbaya lalma tani ba kat yang nani wari. Bahara tintki watla bapri, Arnón awala un kat. Sakuna yang nani awala baila wala ra lika luras kapri, kan baila wala ba lika Moab tasbaya piarkika bamna.