Jasua 10:13 - DAWAN BÎLA AISKA

¹³ Bamna lapta bara kati ba sin takaskan, upla nani ba ai waihla nani sut pura luan ba kat. Naha na Upla Kasakkira Wauhkataya ra ulban kata. Yu lapta ba kasbrika purara ba lilapas ra takaskan, bara ban yu aiska bâra kan.

Jasua 10:13 ပူးပေါင်းရင်းမြစ်များ

2 Samuil 1:18

Witin sin adar win Juda uplika nani ra sin smalkaia. Naha lawana na Kasakkira Wauhkataya ra ulban sa:

2 King Nani 20:10

Bara Ezequías win: —Dista ba ai kainara waia ba isi sa. Sakuna sip apia sa, baha distika ba ai ninara kitwi waia.

Ester 8:13

Baha wauhkataya ulbanka wahia kum ba, lâ baku kulkanka yaban kaia sa, bara upla sut tasba aiska ra ba walan kaia, baku mika Ju nani ba sut ridi kabia baha yua kulki sakan ba, mapara bûi nani ba pura luaia dukiara.

Job 9:7

Witin lâ mangkisa wan yu ba bal takaia apia, slilma nani ba sin ai ingnika sakaia apia.

Lawana Nani 148:3

Witin ra mayuns, yu bara kati sin. Witin ra mayuns, man nani titan slilmika ingnikira nani sut.

Lawana Nani 19:4

witin ai smalkanka bîla ba, tasba aiska ra taki auya, witin aisi bîla nani ba tasba aiska pali kat auya. Bahara lapta ba sin ai watla kum brisa,

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 38:8

Kaiks, lapta plapi kaikaika markka Ahaz bri ba, mark matawalsip kli ninara waia daukamna. Bara lapta tawi distika ba, baku mark matawalsip kli ai ninara tawi wan.

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Joel 3:15

Lapta bara kati sin, tihmia tara pali takuya, slilma nani ingnika ba sin tiwuya.

Abakuk 3:11

Trisbaikam bara langsikam wal ingnika ingwi ba, imyula baku lipi ba ingnika karnika mita kati bara wan yu ba sin, ai yukuwaika ba wina sip bal takras sa.

Kulki Kaikanka 21:14

Baha dukiara sika aisi ba, Dawan War Aiklabanka nani Wauhkataya ulbanka ra wi yaba: “Yang nani Sufá tasbaya ra Vaheb bâk lui wari, tingni nani bâk bara Arnón bâk sin,

Kulki Kaikanka 31:2

“Israel uplika nina ra Madián uplika nani ra pana munan lâka ba dauks, bara baha ningkara man pruma.”

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Apastil Nani Sturka 2:20

Lapta ba tihmia takbia, kati ba lika tala baku pauni takbia, Dawan yua tara pranakira kau balras ba ra.

Jasua 10:11

Amorreo nani ba Bet-horón ra plapi auya kan taim, Israel luhpia nani sîa plapi kan ba ra, Dawan ba witin nani purara ais klaswan baku yakaban, bara amorreo nani kau ailal pruan Israel luhpia nani sordka ra pruan ba wal.

Jasua 10:14

Kainara bara ningkara sin baha yua baku âpu kata, Dawan upla kumi bîla baikra walan ba, kan Dawan ba Israel tâwan aiklabi kata.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.

Wihta Nani 16:28

Bara Samson Dawan ra ai pura suni kan, witin naku win: “Dawan, yang bui man ra puri sunisni, kau naiwa aima kumi pan man bui yang ra luks, karnika aik filisteo nani naikra wâl daikan ba mana kau aima kum mana sakamna, naha na yui tnata kabia.”

Wihta Nani 5:2

“Man nani sut Dawan ra mayuns, kan Israel ra waitna nani kau bâra sa aiklabaia ridi ba; kan upla nani tilara waitna nani kau bâra sa, war aiklabaia waia winanka ba un kahbaia.